मध्य रेल्वेचा १४ तासांचा जम्बोब्लॉक: पंचवटी आणि धुळे एक्सप्रेस रद्द, मुंबई-नाशिक मार्गावर वाहतुकीचा खोळंबा

मध्य रेल्वेने आटगाव स्थानकावर नवीन इलेक्ट्रॉनिक इंटरलॉकिंग प्रणाली कार्यान्वित करण्यासाठी आणि जुने पॅनेल काढण्यासाठी ६ जून (शनिवार) ते ७ जून (रविवार) या कालावधीत विशेष वाहतूक आणि पॉवर ब्लॉक जाहीर केला आहे.

हा १४ तासांचा जम्बोब्लॉक आसनगाव आणि तानशेत स्थानकांदरम्यान घेण्यात येणार असून, त्याचा रेल्वे वाहतुकीवर मोठा परिणाम होणार आहे.

महत्त्वाची माहितीब्लॉकचा कालावधी: शनिवार, ६ जून रोजी दुपारी २:०० वाजल्यापासून ते रविवार, ७ जून रोजी पहाटे ३:०० वाजेपर्यंत.

परिणाम: आसनगाव ते कसारा दरम्यानची लोकल सेवा पूर्णपणे बंद राहणार आहे.
रद्द करण्यात आलेल्या प्रमुख गाड्या (६ जून रोजी) १२१०९ छत्रपती शिवाजी महाराज टर्मिनस - मनमाड पंचवटी एक्सप्रेस १२११० मनमाड - छत्रपती शिवाजी महाराज टर्मिनस पंचवटी एक्सप्रेस ११०११ छत्रपती शिवाजी महाराज टर्मिनस - धुळे एक्सप्रेस

११०१२ धुळे - छत्रपती शिवाजी महाराज टर्मिनस एक्सप्रेस गाड्यांचे शॉर्ट टर्मिनेशन आणि वळण१७६११ हुजूर साहिब नांदेड - छत्रपती शिवाजी महाराज टर्मिनस एक्सप्रेस: ५ जूनच्या प्रवासासाठी मनमाड येथे शॉर्ट टर्मिनेट करण्यात आली आहे.

१२०७२ हिंगोली डेक्कन - छत्रपती शिवाजी महाराज टर्मिनस जनशताब्दी एक्सप्रेस: ६ जून रोजी नाशिक रोड येथे शॉर्ट टर्मिनेट होईल.

इतर गाड्यांचे नियोजन: अनेक डाऊन मेल-एक्सप्रेस गाड्या कल्याण-करजत-पुणे-मनमाड मार्गे वळवण्यात आल्या आहेत, तर काही गाड्यांच्या वेळापत्रकात बदल करण्यात आला आहे.