हैदराबाद: अमेरिकन टेलिकॉम कंपनीने हैदराबादमध्ये थाटले भव्य ऑफिस; १,००० जणांना मिळणार नोकरी!

हैदराबाद: जागतिक तंत्रज्ञान क्षेत्रात भारताचा दबदबा सातत्याने वाढत असल्याचे आणखी एक मोठे उदाहरण समोर आले आहे. अमेरिकेतील दुसरी सर्वात मोठी टेलिकॉम कंपनी 'टी-मोबाईल'ने (T-Mobile) अधिकृतपणे भारतात प्रवेश केला आहे. कंपनीने हैदराबादमध्ये आपले पहिले 'ग्लोबल कॅपेबिलिटी सेंटर' (GCC) सुरू केले आहे. नेमके काय आहे हे सेंटर?कोठे आणि किती मोठे: हैदराबादच्या 'हायटेक सिटी' (HITEC City) भागात हे ऑफिस सुमारे २.५ लाख स्क्वेअर फूट जागेत उभारण्यात आले आहे.

उद्दिष्ट: हे केंद्र केवळ एक आउटसोर्सिंग हब नसून, ते कंपनीचे 'स्ट्रॅटेजिक इनोव्हेशन हब' म्हणून काम करेल. येथे सॉफ्टवेअर इंजिनिअरिंग, सायबर सुरक्षा (Cybersecurity), डेव्हऑप्स (DevOps), प्रॉडक्ट डेव्हलपमेंट आणि डेटा अ‍ॅनालिटिक्सवर विशेष काम केले जाणार आहे.

नोकरीच्या संधी: टी-मोबाईलने २०२७ पर्यंत सुमारे १,००० कुशल तंत्रज्ञांना रोजगार देण्याचे उद्दिष्ट ठेवले आहे. विशेष म्हणजे, सध्या ५०० हून अधिक कर्मचारी या केंद्रात रुजू झाले आहेत. टी-मोबाईल भारतात टेलिकॉम

सेवा देणार का? अनेक लोक असा प्रश्न विचारत आहेत की, 'टी-मोबाईल' भारतात टेलिकॉम सर्व्हिस सुरू करणार आहे का? तर सध्याच्या अहवालानुसार, टी-मोबाईल भारतात केवळ तांत्रिक कामे (Backend tech operations) आणि संशोधन करण्यासाठी हे केंद्र चालवणार आहे.

हे केंद्र कंपनीच्या जागतिक गरजा पूर्ण करण्यासाठी सॉफ्टवेअर आणि डिजिटल सोल्यूशन्सवर काम करेल. कंपनीचे हे पाऊल भारताच्या 'GCC इकोसिस्टम'चा एक भाग म्हणून पाहिले जात आहे. तेलंगणाचे आयटी आणि उद्योग मंत्री डी. श्रीधर बाबू यांनी या केंद्राचे उद्घाटन केले.

त्यांनी म्हटले की, हैदराबादमध्ये कमी काळात इतके मोठे केंद्र उभारणे हे शहराच्या तांत्रिक क्षमतेचे मोठे यश आहे.