Kolhapur ZP Election Result Update : कोल्हापुरात पंचायत समितीच्या 6 जागांवर काँग्रेस आघाडीवर

कोल्हापूर पंचायत समिती निवडणुकीच्या निकालाचे कल समोर आले असून, यामध्ये काँग्रेस पक्षाने आघाडी घेतली आहे. प्राप्त माहितीनुसार, कोल्हापूरमधील पंचायत समितीच्या सहा जागांवर काँग्रेस सध्या आघाडीवर आहे. याचबरोबर, कोल्हापुरातील पाचगावमध्येही काँग्रेस आघाडीवर असल्याचे वृत्त आहे. विशेष म्हणजे, महापालिका निवडणुकांमध्येही काँग्रेसने येथे चांगली कामगिरी केली होती, तरीही महापौर महायुतीचा झाला होता.

दुसरीकडे, परभणी जिल्ह्यातील निवडणूक निकालाचे अपडेट्सही समोर आले आहेत. परभणीमध्ये शिंदे गटाच्या शिवसेनेने एका जागेवर आघाडी मिळवली आहे. परभणीमध्ये शिवसेनेचे पारंपरिक वर्चस्व राहिले आहे. कोल्हापूरमध्ये एकूण १२ आणि १३६ गण तसेच जिल्हा परिषदेच्या ६८ जागा आहेत. या निकालांमध्ये काँग्रेसचे सतेज पाटील, हसन मुश्रीफ आणि पालकमंत्री आंबिटकर यांची प्रतिष्ठा पणाला लागली आहे. महाविकास आघाडी स्थापनेसाठी सतेज पाटील यांनी पुढाकार घेतल्याचेही वृत्त आहे.