Pune : रोहित शेट्टीच्या घरावर गोळीबार प्रकरणात पुण्यातून पाच जण ताब्यात; गँगस्टर बिश्नोई टोळीशी संबंधाचा संशय

Pune : बॉलिवूड दिग्दर्शक रोहित शेट्टी यांच्या मुंबईतील घरावर झालेल्या गोळीबारप्रकरणी पुण्यातील वारजे पोलिसांनी पाच संशयितांना रविवारी (ता. १) दुपारी ताब्यात घेतले. आरोपींना मुंबई पोलिसांच्या ताब्यात देण्यात आले आहे. या आरोपींचा कुख्यात गँगस्टर लॉरेन्स बिश्नोई टोळीशी संबंध असल्याचा प्राथमिक संशय व्यक्त पोलिसांनी व्यक्त केला आहे.

मुंबईतील जुहू येथील रोहित शेट्टीच्या घरावर शनिवारी मध्यरात्री गोळीबार झाल्याची घटना घडली. या घटनेत कोणीही जखमी झाले नाही. दरम्यान, आरोपी पुण्यातील वारजे परिसरात असल्याची माहिती वारजे पोलिसांना मिळाली. त्यानंतर तातडीने पोलिसांनी पाचजणांना ताब्यात घेतले.

अमन आनंद मारोटे (वय २७), आदित्य ज्ञानेश्वर गायके (वय १९, कर्वेनगर), सिद्धार्थ दीपक येनपुरे (वय २०, धायरी), समर्थ शिवशंकर पोमाजी (वय १८, धायरी) आणि स्वप्नील बंडू सकट (वय २३, रा. धायरी, पुणे) अशी अटक केलेल्या संशयितांची नावे आहेत. आरोपींच्या विरोधात यापूर्वी पोलिस ठाण्यात कोणताही गुन्हा दाखल नाही. आरोपींपैकी काहीजण मजुरीचे, हातगाडी व्यवसाय आणि वाहनचालक असल्याचे पोलिसांकडून सांगण्यात आले.

Union Budget 2026 : अर्थसंकल्पात कृषी क्षेत्रासाठी मोठी तरतूद, नारळ प्रोत्साहन योजना नेमकी काय?

वारजे पोलिसांनी पाच संशयित आरोपींना रविवारी दुपारी वारजे परिसरातून ताब्यात घेतले. आरोपींना मुंबई पोलिसांच्या ताब्यात देण्यात आले आहे. आरोपींचा गँगस्टर लॉरेन्स बिश्नाइ टोळीशी संबंध असल्याचा प्राथमिक संशय आहे. गोळीबारामागील कट आणि टोळीचा सहभाग याबाबत सखोल तपास सुरू आहे.