Pimpri Chinchwad : भाजपला धक्का! निवडणुका जाहीर होताच दिग्गज नेते अजित पवारांच्या राष्ट्रवादीत दाखल

Pimpri Chinchwad :  राज्यातील २९ महापालिका निवडणुकांचं बिगुल वाजलं. १५ जानेवारी २०२६ रोजी मतदान आणि १६ जानेवारी २०२६ रोजी मतमोजणी प्रतिक्रिया पार पडणार आहे. 'राज्यात सर्वच ठिकाणी शिंदेंची शिवसेना भाजप पक्षासोबत असेल. मात्र, पुणे आणि पिंपरी चिंचवडमध्ये भाजप आणि राष्ट्रवादीमध्ये मैत्रीपूर्ण लढत होणार', असं मुख्यमंत्री म्हणाले.

अशातच मुख्यमंत्र्याच्या या वक्तव्यानंतर पिंपरी चिंचवडमध्ये भाजपला मोठा धक्का बसला आहे. भाजपच्या नगरसेवकांनी राष्ट्रवादी काँग्रेस अजित पवार गटाची वाट धरली आहे. भाजपच्या नगरसेविका आणि काही शिवसेनेतील नेत्यांनी राष्ट्रवादी काँग्रेस अजित पवार गटात जाहीर प्रवेश केला आहे. तसेच पिंपरी चिंचवडच्या भाजपच्या स्थायी समितीच्या अध्यक्षांनीही राष्ट्रवादीची वाट धरली.

Chandrapur : महाराष्ट्र हादरला! चंद्रपुरात सावकाराकडून भरमसाठ व्याजवसुली, कर्जफेडीसाठी शेतकऱ्याने विकली किडनी

मुख्यमंत्र्यांनी राष्ट्रवादी काँग्रेस अजित पवार गट आणि भाजपमध्ये मैत्रीपूर्ण लढत होणार असल्याचं जाहीर केल्यानंतर राजकीय घडामोडींना वेग आला आहे. भाजपच्या नगरसेवकांनी राष्ट्रवादी काँग्रेस अजित पवार गटात प्रवेश केला आहे. मिळालेल्या माहितीनुसार, भाजपच्या नगरसेविका अश्विनी जाधव, शिवसेनेच्या शहरप्रमुख रूपाली आल्हाट, शिवसेना उपशहर प्रमुख नेताजी काशीद यांनी भाजप पक्षाला सोडचिठ्ठी दिली. तसेच राष्ट्रवादी काँग्रेसमध्ये प्रवेश केला आहे.

पिंपरी चिंचवडच्या भाजपच्या स्थायी समितीचे अध्यक्ष सीमा सावळे यांनीही राष्ट्रवादीमध्ये प्रवेश केला आहे. दरम्यान, भाजपच्या अनेक नगरसेवक राष्ट्रवादीच्या संपर्कात असल्याची माहिती आहे. या पक्षप्रवेशामुळे आगामी स्थानिक स्वराज्य संस्थांच्या निवडणुकांच्या पार्श्वभूमीवर भाजपला मोठा धक्का मानला जात आहे.

महापालिका निवडणुका जाहीर झाल्यानंतर मुख्यमंत्री देवेंद्र फडणवीस यांनी प्रतिक्रिया दिली आहे. 'आमच्या सरकारने केलेलं काम पाहता मुंबईसह सगळ्याच ठिकाणी जनतेचं कौल आमच्या बाजूने असेल', असा विश्वास यावेळी मुख्यमंत्र्यांनी व्यक्त केला. 'राज्यात बहुतांश ठिकाणी भाजप तसेच शिंदेंची शिवसेना एकत्र लढेल. मात्र, पुणे आणि पिंपरी चिंचवडमध्ये भाजप आणि राष्ट्रवादी काँग्रेस अजित पवार गट एकमेकांच्या विरोधात लढणार. ही लढत मैत्रीपूर्ण असणार', असं फडणवीस म्हणाले.