Australia Sydney Firing : ऑस्ट्रेलियातील सिडनीत अंधाधुंद गोळीबार; अनेकांचा मृत्यू, गोळीबाराचा १० मिनिटांचा थरारक VIDEO समोर

Australia Sydney Firing : ऑस्ट्रेलियाच्या न्यू साउथ वेल्स राज्यातील सिडनी येथील बोंडी समुद्रकिनाऱ्यावर गोळीबाराची धक्कादायक घटना घडली आहे. या गोळीबारात आतापर्यंत 10 जणांचा मृत्यू झाला असून 11 जण जखमी झाले आहेत. जखमींमध्ये दोन पोलीस कर्मचाऱ्यांचाही समावेश आहे. न्यू साउथ वेल्स पोलिसांनी बोंडी बीचवरील गोळीबारात 10 जणांचा मृत्यू झाल्याच्या बातमीला दुजोरा दिला. मृतांमध्ये एक संशयित हल्लेखोराचाही समावेश आहे. तर आणखी एका संशयित हल्लेखोर जखमी झाल्याची माहितीही पोलिसांनी दिली. या संशयिताची प्रकृती गंभीर आहे. ऑस्ट्रेलियाचे पंतप्रधान अँथनी अल्बनीज यांनी हे प्रकरण 'धक्कादायक आणि अत्यंत अस्वस्थ करणारे', असं म्हटलं आहे.

न्यू साउथ वेल्स पोलीस सध्या परिसरात शोध घेत आहेत. लोकांनी या परिसरात येणं टाळण्याचं आणि बातम्या पसरवणं टाळण्याचं आवाहनही पोलिसांनी केलं आहे. या घटनेत दोन पोलीस कर्मचारी जखमी झाल्याची माहिती मिळाली आहे. या भागापासून जवळ आयोजित होणाऱ्या हनुक्का नावाच्या उत्सवाशी याचा संबंध आहे किंवा नाही? याबाबत नेमकी माहिती नसल्याचं पोलिसांनी सांगितलं आहे. हा एक यहुदी सण आहे.

Pune : पुणे हादरले! ५ वर्षांच्या चिमुकलीवर बलात्कार करून निर्घृण हत्या; झाडाझुडपात मृतदेह आढळला

दरम्यान, ऑस्ट्रेलियन मीडियाच्या रिपोर्टनुसार ज्यू धर्मीयांचा उत्सव असल्यामुळे या ठिकाणी ज्यू धर्माचे लोक मोठ्या संख्येनं उपस्थित होते. हे सर्व जण इथे ज्यू धर्मातील अतिशय पवित्र समजल्या जाणाऱ्या हनुका उत्सवाचा पहिला दिवस साजरा करण्यासाठी सिडनीच्या बोंडी बीचवर एकत्र आले होते, याचवेळी या ठिकाणी आलेल्या दोन व्यक्तींनी उपस्थित लोकांवर अंदाधुंद गोळीबार केला.

प्रत्यक्षदर्शींनी दिलेल्या माहितीनुसार दोघेजण काळे कपडे परिधान करून घटनास्थळी आले होते. त्यांच्या हातामध्ये दोन शॉटगन होत्या, त्यांनी इथे उपस्थित असलेल्या लोकांवर अंदाधुंद गोळीबार केला. गोळीबाराचा आवाज येत होता. वातावारण खूपच भीतीदायक बनलं होतं. दरम्यान घटनेची माहिती मिळताच पोलीस तातडीने घटनास्थळी दाखल झाले. पोलिसांनी देखील प्रत्युत्तरात गोळीबार केला. या घटनेत गोळी लागल्यामुळे एका हल्लेखोराचा मृत्यू झाला आहे, तर एकाला ताब्यात घेण्यात आलं आहे, त्याची चौकशी सुरू असल्याची माहिती पोलिसांनी दिली. दरम्यान, हा संपूर्ण परिसर आता पोलिसांनी पर्यटकांसाठी बॅन केला आहे, नेमका हल्ला का करण्यात आला? याचं कारण अद्याप अस्पष्ट आहे. ऑस्ट्रेलियाच्या पंतप्रधानांनी या घटनेवर दु: ख व्यक्त केलं आहे.