Pune : शिंदे गटाच्या पदाधिकाऱ्याच्या वडिलांचा उपचारादरम्यान मृत्यू; हलगर्जीपणाचा आरोप करत रुग्णालयात तोडफोड

Pune : शिंदे गटाच्या पदाधिकाऱ्याच्या वडिलांचा उपचारावेळी मृत्यू, हलगर्जीपणाचा आरोप करत रुग्णालयात तोडफोड पुण्यातील सह्याद्री रुग्णालयात उपचारात हलगर्जीपणाचा आरोप करत रुग्णाच्या नातेवाईकांनी तोडफोड केल्याची घटना घडलीय. हडपसरमध्ये शिंदे गटाचे पदाधिकारी अजय सपकाळ यांच्या वडिलांवर उपचार सुरू होते. पण बुधवारी शस्त्रक्रियेवेळी त्यांचा मृत्यू झाला. यानंतर सपकाळ यांच्या नातेवाईकांनी सह्याद्री रुग्णालयाची तोडफोड केली. रुग्णालयाचा काचेचा दरवाजा फोडण्यात आला.

याबाबत मिळालेली माहिती अशी की, शिंदे गटाचे हडपसरमधील पदाधिकारी अजय सपकाळ यांच्या वडिलांवर शस्त्रक्रिया होणार होता. त्यांना अल्सरचा त्रास होता. फक्त दोन टाक्यांची शस्त्रक्रिया होती पण रुग्णालयाकडून माझ्या वडिलांना डॅमेज करण्यात आलं असा आरोप अजय सपकाळ यांनी केला. मी शिंदे गटाचा वैद्यकीय कक्षाचा शहर प्रमुख असून माझी अशी स्थिती तर सामान्यांची अवस्था काय असेल? हे रुग्णालय थर्डक्लास आहे, रुग्णालयावर कारवाई झाली पाहिजे अशी मागणी अजय सपकाळ यांनी केली.

Baramati : हिवाळी अधिवेशन सुरू असताना बारामतीत ईडीची मोठी कारवाई; राजकीय व्यक्तीच्या निकटवर्तीयांवर छापेमारी

अजय सपकाळ यांच्यासह नातेवाईकांनी रुग्णालयाबाहेर ठिय्या आंदोलन सुरू केलं. रुग्णालयाच्या काचेच्या दरवाज्याची तोडफोड केल्यानं प्रवेशद्वाराजवळच काचांचा खच पडला होता. सह्याद्री रुग्णालयावर कारवाई करावी अशी मागणी अजय सपकाळ यांनी उपमुख्यमंत्री एकनाथ शिंदे यांच्याकडे केलीय. जोपर्यंत कारवाई होणार नाही तोपर्यंत रुग्णालयाबाहेरून उठणार नाही अशी भूमिका अजय सपकाळ यांनी घेतली.

पेशंटवर उपचार सुरू आहेत असं सांगितलं. हळू हळू त्यांनी फुफ्फुस निकामी झालंय सांगितलं, किडनी निकामी झाल्याचं सांगितलं. लिव्हरला प्रॉब्लेम आलाय असं सांगत डायलिसिसवर आल्याचं सांगितलं. शेवटी ८ डॉक्टरांनी बसून दाबून दाबून छाती फोडून टाकली. व्हेंटिलेटर लावल्यानं चेहरा एका बाजूने फुटला. शिंदे साहेब तुम्हाला सांगतोय, मी शिवसेनेचा शहर प्रमुख असून अशी अवस्था असेल तर सर्वसामान्यांचं काय हाल होत असेल अशा शब्दात अजय सपकाळ यांनी आक्रोश केला.