Pune : पुण्यातील नामांकित IT कंपनीतील तरुण इंजिनिअरची आत्महत्या; खिशातील चिठ्ठीमुळे प्रकरणाला नवं वळण

Satara : पुण्यातील एका नामांकित आयटी कंपनीत इंजिनिअर म्हणून काम करणाऱ्या एका 32 वर्षीय तरुणाने कोरेगाव तालुक्यातील वाठार स्टेशन परिसरात रेल्वेखाली उडी मारून आपलं जीवन संपवलं आहे. कुमार इराप्पा सोलापूरे असं सदर तरुणाचं नाव आहे. रविवारी पहाटे ही धक्कादायक घटना उघडकीस आली. तरुणाच्या कपड्यांमध्ये कन्नड भाषेत लिहिलेली एक सुसाईड नोट सापडली आहे, ज्यात त्याने आत्महत्या करत असल्याचं नमूद केलं आहे.

आत्महत्या केलेला कुमार इराप्पा सोलापूरे हा मूळचा कर्नाटकातील बेळगाव जिल्ह्यातील रहिवासी होता. नोकरीनिमित्त तो पुण्यात वास्तव्यास होता. त्याने वाठार स्टेशन पोलीस ठाण्याच्या हद्दीतील वाघोली येथे रेल्वेखाली उडी मारून आपले जीवन संपवलं. त्याने हे टोकाचं पाऊल का उचललं, याचं नेमकं कारण अद्याप स्पष्ट झालेलं नाही. पोलिसांना त्याच्याजवळ सापडलेल्या कन्नड भाषेतील सुसाईड नोटमुळे या प्रकरणाला वेगळं वळण मिळालं आहे.

Mumbai : मराठा आंदोलनाचे वादळ आता दिल्लीकडे; मनोज जरांगे महायुती सरकारची चिंता वाढवणार?

वाठार स्टेशन पोलिसांनी घटनेची माहिती मिळताच तातडीने कारवाई केली. तरुणाच्या कुटुंबीयांना या घटनेची माहिती देण्यात आली. माहिती मिळताच त्याचे कुटुंबीय तातडीने घटनास्थळी दाखल झाले. त्यांनी पोलिसांना सांगितलं की, सापडलेली सुसाईड नोट कन्नड भाषेत असून, त्यात त्यांच्या मुलाने आत्महत्या करत असल्याचे लिहिलं आहे. मात्र, त्याने आत्महत्या का केली असावी, याचे कारण कुटुंबीयांनाही सांगता आलं नाही.

दरम्यान, पोलिसांनी पंचनामा आणि शवविच्छेदन पूर्ण केल्यानंतर कुमार सोलापूरे याचा मृतदेह कुटुंबीयांच्या ताब्यात दिला. या घटनेची नोंद वाठार स्टेशन पोलीस ठाण्यात करण्यात आली असून, पोलीस या प्रकरणाचा अधिक तपास करत आहेत.