Pune : पुणे मेट्रोला गती! खराडी–खडकवासला आणि नळ स्टॉप–माणिकबाग मार्गांना मंजुरी; नेटवर्कचा आकडा १०० किमी पार

Pune : पुणे मेट्रो रेल्वेच्या जाळ्यात आणखी ३२ किलोमीटरची भर घालणाऱ्या खराडी ते खडकवासला आणि नळ स्टॉप ते माणिकबाग अशा दोन मेट्रो रेल्वे मार्गांच्या नऊ हजार ८५८ कोटी रुपयांच्या विस्ताराच्या प्रस्तावाला आज पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाने मंजुरी दिली आहे. त्याचबरोबर पश्चिम भारताला दक्षिण भारताशी जोडण्यात महत्त्वपूर्ण ठरणाऱ्या बदलापूर-कर्जतदरम्यानच्या एक हजार ३२४ कोटींच्या प्रत्येकी ३२ किलोमीटर लांबीच्या तिसऱ्या आणि चौथ्या रेल्वे मार्गाच्या प्रस्तावालाही केंद्रीय मंत्रिमंडळाने मंजुरी दिली आहे.

मेट्रो विस्ताराला मिळालेल्या आजच्या मंजुरीमुळे खडकवासला, कोथरूड, वारजे, माणिकबाग, राजाराम पूल या दाट लोकसंख्येच्या भागांमध्ये मेट्रोची सुविधा उपलब्ध होणार आहे. या प्रकल्पामुळे पुढची अनेक दशके पुणे शहराच्या विकासाला बळ मिळत राहील, असा विश्वास केंद्रीय माहिती व नभोवाणीमंत्री अश्विनी वैष्णव यांनी व्यक्त केला. देशातील अव्वल दहा शहरांमध्ये आणि सर्वांत मोठ्या शहरांमध्ये समावेश असलेल्या व ८० लाखांहून अधिक लोकसंख्येसह

Pune : हिंजवडी–शिक्रापूर–वाघोली वाहतूक कोंडी सोडवण्यासाठी PMRDAचे मोठे पाऊल; वाहतूक सुरळीत करण्यासाठी ‘या’ महत्त्वाच्या उपाययोजना

महाराष्ट्रातील दुसरे मोठे शहर असलेल्या पुणे शहराच्या मेट्रो रेल्वे जाळ्याचा टप्प्याटप्प्याने विस्तार करण्याचा निर्णय केंद्रीय मंत्रिमंडळाच्या बैठकांमध्ये यापूर्वी घेण्यात आला आहे. पुण्यातील उत्तर-दक्षिण आणि पूर्व-पश्चिम मेट्रो रेल्वे मार्गिका सप्टेंबर २०२४ पासून कार्यान्वित झाल्या असून, दररोज अडीच लाख प्रवासी त्यांचा वापर करतात. यंदा गणेशोत्सवादरम्यान या दोन्ही मार्गावर सुमारे पाच लाख ९० हजार प्रवाशांनी प्रवास करत उच्चांक गाठला आहे. आज मंजुरी दिलेल्या विस्तार प्रकल्पांमुळे पुणे मेट्रो रेल्वेचे जाळे १०० किलोमीटरचा टप्पा पार करणार आहे. या प्रकल्पाची अंमलबजावणी महाराष्ट्र मेट्रो रेल्वे कार्पोरेशन करणार आहे. देशात आतापर्यंत २० हून अधिक शहरांमधील मेट्रो रेल्वेचे जाळे एक हजार ८३ किलोमीटरवर पोहोचले असून भारत हा मेट्रोचे जगातील दुसरे सर्वाधिक मोठे जाळे असलेला देश बनला आहे.

पुणे मेट्रोच्या मंजुरी मिळालेल्या दोन मार्गांचा तपशील खराडी ते खडकवासला

लांबी: २५.५ किमी

स्थानकः २२

नळ स्टॉप ते माणिकबाग

लांबी: ६.१ किमी

स्थानकः ६

२८ स्थानके - ९ हजार ८५८ कोटी रुपये गुंतवणूक

प्रकल्प कालावधी - ५ वर्षे

एकूण लांबी - ३१. ६४ किमी

पुणे मेट्रोच्या प्रगतीपथावरील मार्गाचा तपशील माण-हिंजवडी ते शिवाजी नगर

लांबी: २३.२ किलोमीटर

खर्चः ८ हजार ३१३ कोटी रुपये