Maharashtra Weather : मुंबई-पुण्यात धो धो कोसळणार, १३ जिल्ह्यात अति मुसळधार, वाचा आजचा पावसाचा अंदाज

IMD forecasts heavy to very heavy rainfall in Mumbai, Pune, and 13 districts : गेले काही दिवस विश्रांती घेतल्यानंतर राज्यभरात आता पुन्हा मान्सून सक्रिय होणारे आहे, हवामान विभागाने त्याबाबत माहिती दिली आहे. महाराष्ट्रात मान्सूनचं पुनरागमन दोन दिवसात होणार आहे. हवामान विभागानं पुढील 5 दिवस मुसळधार पावसाचा अलर्ट दिलाय. मुंबई-पुण्यात मुसळधार पावसाचा अंदाज आहे. 13 जिल्ह्यांमध्ये अतिमुसळधार पावसाची शक्यताही वर्तवण्यात आलीय. 15 जून दरम्यान पावसाचा जोर वाढणार असल्याचा अंदाज आहे. याच दरम्यान नागपूरमध्ये उष्णतेचा कडेलोट सुरू असून ४४ अंश सेल्सिअस तापमानाची नोंद झाली आहे. १४ जूननंतर मान्सून पुन्हा सक्रिय होणार असल्याचा अंदाज हवामान विभागाने व्यक्त केला आहे.

हवामान विभागाचे शास्त्रज्ञ डॉ. एस. डी. सानप यांनी दिलेल्या माहितीनुसार, १३ जूनपासून कोकण आणि दक्षिण मध्य महाराष्ट्रातील काही भागांत मान्सून जोरात सक्रिय होणार आहे. कोल्हापूर, सातारा, सांगली, रत्नागिरी आणि सिंधुदुर्ग जिल्ह्यांमध्ये मुसळधार पावसाचा अंदाज असून या भागांमध्ये ऑरेंज अलर्ट जारी करण्यात आला आहे. याशिवाय पुणे आणि अहमदनगर जिल्ह्यांमध्ये देखील पावसाचे प्रमाण वाढणार असून या ठिकाणीही अलर्ट जारी करण्यात आलेला आहे.

नागपूरमध्ये कधी कोसळणार पाऊस ?

ढगाळ वातावरणातही नागपूरचा पारा काही कमी होण्याची चिन्ह नाही, सोमवारी 43.6 अंश सेल्सियस कमाल तापमानाची नोंद झाली. जून महिन्याचे पहिले दहा दिवस उलटूनही तीव्र उष्णता आणि उकाडा नागपूरकरांचा पिच्छा सोडत नाही. सोमवारी नागपुरात या मोसमातील सर्वाधिक 44.2 अंश सेल्सिअस तापमानाची नोंद करण्यात आली होती. मंगळवारीही महाराष्ट्रातील सर्वाधिक तापमानाची नोंद नागपुरात करण्यात आली. 14 जून नंतर पूर्व आणि मध्य भारतात मान्सून सक्रिय होण्याचा अंदाज हवामान विभागाने व्यक्त केला आहे