अजित पवार अपघातापूर्वी 17 मेसेजचा गूढ? अंजली दमानियांचा खळबळजनक दावा

Nashik :भोंदू बाबा Ashok Kharat प्रकरण दिवसेंदिवस अधिक गडद होत असून, यामध्ये नवे खुलासे समोर येत आहेत. भोंदूगिरी, आर्थिक फसवणूक आणि महिलांच्या शोषणाच्या आरोपांमुळे चर्चेत असलेल्या या प्रकरणाने राजकीय आणि सामाजिक वर्तुळात मोठी खळबळ उडवली आहे.

 

या पार्श्वभूमीवर सामाजिक कार्यकर्त्या Anjali Damania यांनी पत्रकार परिषद घेऊन गंभीर आरोप करत काही महत्त्वाचे पुरावे सादर केले. त्यांनी ‘समता’ नावाच्या पतसंस्थेशी संबंधित व्यवहार आणि मेसेज पॅटर्नवर प्रश्नचिन्ह उपस्थित केले.

दमानिया यांच्या माहितीनुसार, 1 एप्रिल 2025 ते 17 मार्च 2026 या कालावधीत या पतसंस्थेकडून दर महिन्याला अत्यंत मर्यादित मेसेज येत होते. मात्र 27 जानेवारी 2026 रोजी, म्हणजेच Ajit Pawar यांच्या अपघाताच्या आदल्या दिवशी, अचानक तब्बल 17 मेसेज पाठवण्यात आले.

यानंतर 28 जानेवारीला 19 मेसेज, 29 जानेवारीला 10 मेसेज, तर 30 आणि 31 जानेवारीला प्रत्येकी 8 मेसेज पाठवण्यात आल्याचे त्यांनी सांगितले. हा अचानक वाढलेला मेसेजचा आकडा अत्यंत संशयास्पद असल्याचा दावा त्यांनी केला.

“जे संदेश कधी महिनाभरातही येत नव्हते, ते एका दिवसात इतक्या मोठ्या प्रमाणात का आले? यामागे नेमकं काय कारण आहे?” असा सवाल उपस्थित करत दमानिया यांनी या प्रकरणाची विशेष तपास पथक (SIT) मार्फत सखोल चौकशी करण्याची मागणी केली आहे.

या नव्या दाव्यांमुळे Ashok Kharat प्रकरणातील तपासाला नवे वळण मिळण्याची शक्यता व्यक्त केली जात असून, येत्या काळात या प्रकरणात आणखी धक्कादायक खुलासे समोर येण्याची शक्यता वर्तवली जात आहे.