बारामती पोटनिवडणुकीपूर्वी सुनेत्रा पवार यांचे भावूक आवाहन; “संपूर्ण बारामती माझं कुटुंब”

Baramati:राज्याचे माजी उपमुख्यमंत्री Ajit Pawar यांच्या निधनानंतर बारामतीत निर्माण झालेल्या भावनिक वातावरणात Sunetra Pawar यांनी पोटनिवडणुकीसाठी अर्ज भरण्यापूर्वी नागरिकांशी संवाद साधला. या वेळी त्यांच्या एका विधानाने केवळ बारामतीच नव्हे तर संपूर्ण महाराष्ट्रातील जनतेच्या भावना दाटून आल्या.

“फक्त पार्थ आणि जय माझं कुटुंब नाही, तर संपूर्ण बारामती माझं कुटुंब आहे,” असे म्हणत त्यांनी उपस्थितांना भावूक केलं. हे वाक्य उच्चारताना त्यांचा कंठ दाटून आला होता, तर सभागृहातही अनेकांना अश्रू अनावर झाले.

Ajit Pawar यांच्या निधनानंतर प्रथमच त्या बारामतीकरांसमोर बोलत होत्या. त्यांच्या आठवणींना उजाळा देताना त्यांनी सांगितले की, “दादा आपल्यात नाहीत हे अजूनही पटत नाही. बारामती म्हणजे त्यांच्यासाठी आईसारखी होती. त्यांचा अखेरचा श्वासही याच भूमीत विसावला.”

पोटनिवडणुकीच्या पार्श्वभूमीवर झालेल्या या मेळाव्यात Eknath Shinde, Chandrashekhar Bawankule यांच्यासह राष्ट्रवादी काँग्रेस (अजित पवार गट)चे प्रमुख नेते उपस्थित होते. तसेच पार्थ पवार, जय पवार आणि कुटुंबीयांचीही उपस्थिती होती.

आपल्या भाषणात सुनेत्रा पवार यांनी बारामतीच्या विकासाची ग्वाही देत, “दादांचा वारसा पुढे नेण्याची जबाबदारी आता माझ्यावर आहे. बारामतीची प्रतिष्ठा कमी होऊ देणार नाही,” असे आश्वासन दिले.

त्या पुढे म्हणाल्या, “दुःख मनात दडवून ठेवत मी आज तुमच्यासमोर उभी आहे. हा धीर मला बारामतीकरांकडूनच मिळाला. पवार साहेबांनी दिलेला विकासाचा दृष्टीकोन आणि दादांनी घातलेले परिश्रम पुढे नेण्याचा माझा प्रयत्न असेल.”

या सभेदरम्यान वातावरण अत्यंत भावूक झाले होते. सुनेत्रा पवार यांच्या भाषणाने बारामतीतीलच नव्हे तर राज्यभरातील नागरिकांच्या भावना व्यक्त झाल्याचे पाहायला मिळाले.