Nashik : भोंदूबाबा अशोक खरात प्रकरण तापलं; पत्नी कल्पना खरातलाही अटकेची शक्यता?

Nashik : राज्यभर चर्चेत असलेल्या भोंदूबाबा अशोक खरात प्रकरणात आता मोठी घडामोड समोर आली आहे. या प्रकरणात अशोक खरातच्या अडचणी दिवसेंदिवस वाढताना दिसत आहेत. शिर्डी येथील जमीन खरेदी फसवणूक प्रकरणात तपास यंत्रणांनी महत्त्वाची कारवाई करत अशोक खरात, त्याची पत्नी कल्पना खरात यांच्यासह एकूण पाच जणांविरुद्ध गुन्हा दाखल केला आहे. या सर्वांवर फसवणूक तसेच बेकायदेशीर सावकारकी (मनी लेंडिंग) अधिनियमांतर्गत गुन्हे नोंदवण्यात आले आहेत.

दरम्यान, पोलिसांनी या प्रकरणात कारवाईचा वेग वाढवत दोन आरोपींना अटक केली आहे. अरविंद बावके आणि किरण सोनवणे यांना ताब्यात घेण्यात आले असून त्यांना राहाता न्यायालयात हजर करण्यात आले.
न्यायालयाने दोन्ही आरोपींना तीन दिवसांची पोलिस कोठडी सुनावली आहे.
दरम्यान, या प्रकरणात अशोक खरातची पत्नी कल्पना खरात हिलाही अटक होण्याची शक्यता व्यक्त केली जात आहे. त्यामुळे या प्रकरणातील घडामोडींवर राज्याचे लक्ष लागले आहे.