Mumbai : IPL सुरूवातीच्या काळात धक्का! BCCI ब्रॉडकास्ट इंजिनिअर ट्रायडंट हॉटेलमध्ये मृतावस्थेत आढळले

Mumbai : आयपीएलचा नवा हंगाम सुरू होऊन अजून आठवडाही उलटला नसताना एक दुर्दैवी बातमी समोर आली आहे. बीसीसीआयच्या IPL 2026 सामन्यांचे ब्रॉडकास्ट इंजिनिअर म्हणून काम करणारे ब्रिटिश नागरिक इयान विल्यम्स लँगफोर्ड यांचा मुंबईत अकस्मात मृत्यू झाला.

इयान लँगफोर्ड यांना २४ मार्चपासून मुंबईतील ट्रायडंट हॉटेलमध्ये निवास होता. आयपीएल सामने कव्हर करण्यासाठी ते भारतात आले होते.

मृत्यूची घटना

२९ मार्च रोजी मुंबई इंडियन्स विरुद्ध कोलकाता नाईट रायडर्स सामना वानखेडे स्टेडियममध्ये पार पडला. मॅचनंतर इयान आपल्या हॉटेलच्या रुम नंबर 2715 मध्ये गेले. दुसऱ्या दिवशी, रिसेप्शनिस्टने त्यांना कॉल केला, पण त्यांनी प्रतिसाद दिला नाही. हॉटेल कर्मचाऱ्यांनी रुम बाहेर जाऊन दरवाजा उघडला असता, इयान जमिनीवर निपचित अवस्थेत आढळले.

तात्काळ डॉक्टरांना बोलावले असता, डॉक्टरांनी त्यांना मृत घोषित केले. मरीन ड्राईव्ह पोलीस ठाण्यात अपघाती मृत्यू म्हणून नोंद करण्यात आली असून तपास सुरू आहे.

आठवणी जाग्या करत मृत्यू

इयान यांच्या निधनामुळे सप्टेंबर २०२० मध्ये आयपीएलदरम्यान निधन पावलेल्या सुप्रसिद्ध समालोचक डीन जोन्स यांच्या आठवणी ताज्या झाल्या आहेत. कोविड-१९ निर्बंधांमुळे बायो-बबलमध्ये असताना डीन जोन्स यांचा हृदयविकाराच्या झटक्याने मृत्यू झाला होता.