Pandharpur News : जीपचा टायर फुटून भीषण अपघात; तीन महिला ठार, नऊ गंभीर जखमी

Pandharpur News : जत मार्गावर सोनंद गावाजवळ एका जीपचा टायर फुटुन झालेल्या अपघातात तीन महिला मजूरांचा मृत्यू झाला. या महिला कर्नाटकातील अथणी येथील असल्याची प्राथमिक माहिती उपलब्ध झाली आहे. या अपघातामधील अन्य जखमी महिलांना उपचारार्थ रुग्णालयात दाखल करण्यात आले आहे.

या अपघाताबाबत सांगोला पोलिसांकडून मिळालेली माहिती अशी : कर्नाटकातील अथणी येथील मजूर महिला पंढरपूर तालुक्यात द्राक्ष बागेतील कामांसाठी जीप मधून निघाल्या होत्या. या जीपचा सोनंद गावाजवळ टायर फुटल्याने अपघात झाला.

Pune News : मुलीच्या बालविवाह प्रकरणी आईसह पतीवर गुन्हा दाखल

या अपघातात तीन महिलांचा जागेवर मृत्यू झाला तर नऊ महिला गंभीर जखमी झाल्या आहेत. जखमी महिलांना मिरज येथील रुग्णालयात उपचारासाठी दाखल करण्यात आले आहे. या अपघाताची नोंद सांगोला पोलिस ठाण्यात झाली आहे. अधिक तपास सांगोला पोलिस करीत आहेत.