Sharad Pawar : नवनीत राणांना ५ वर्षांपूर्वी उमेदवारी देऊन चूक केली; शरद पवारांनी मागितली अमरावतीकरांची माफी

२०१९ च्या निवडणुकीत अमरावती लोकसभा मतदारसंघातून नवनीत राणा अपक्ष उमेदवार म्हणून उभ्या राहिल्या होत्या. त्यावेळी शरद पवारांनी सभा घेत नवनीत राणांना मतदान करावे असं आवाहन केलं होतं. मात्र आता ही आपली मोठी चूक होती, असं शरद पवारांनी म्हटलंय.

आज शरद पवार अमरावती दौऱ्यावर आहेत. येथे जाहीर सभेत उपस्थितांना संबोधित करताना त्यांनी नवनीत राणा यांच्याविषयीचं मत व्यक्त केलंय.गेल्या पाच वर्षातील त्यांचा अनुभव पाहता माझ्या मनात अस्वस्थता होती की कधीतरी अमरावतीत जावं आणि सांगावं की आमच्याकडून चूक झाली. मात्र आता ती चूक पुन्हा होणार नाही, असा शब्द शरद पवारांनी उपस्थितांना दिलाय.

अमरावतीमध्ये महायुतीकडून बळवंत वानखेडे यांना उमेदवारी देण्यात आली आहे. त्यांच्या प्रचारासाठी स्वत: शरद पवार मैदानात उतरलेत. ज्याचं सामाजिक आणि वैयक्तिक जीवन शेवटच्या माणसाचा विचार करणारं आहे अशा बळवंत वानखेडे यांना विजयी करा हे सांगण्यासाठी मी इथे आलोय, असं शरद पवारांनी म्हटलं.