Bijapur Naxal Attack : छत्तीसगडमध्ये सुरक्षादलाच्या जवानांकडून ३ नक्षलवाद्यांचा खात्मा; आठवड्याभरात १६ जणांना कंठस्नान

Bijapur Naxal Attack : छत्तीसगडच्या बीजापूरमध्ये सुरक्षादलाचे जवान आणि नक्षलवाद्यांमध्ये चकमक झाली. या चकमकीत ३ नक्षलवाद्यांचा खात्मा करण्यास सुरक्षादलाच्या जवानांना यश आलं आहे. तेलंगणाच्या सीमेजवळील छत्तीसगडच्या बीजापूर तालुक्यातील जिल्ह्यातील घनदाट जंगलात सुरक्षादलाच्या जवानांनी तीन नक्षलवाद्यांचा खात्मा केला, अशी माहिती वरिष्ठ पोलीस अधिकाऱ्यांनी दिली.

सुरक्षादलाच्या जवानांकडून नक्षलवाद्यांच्या विरोधात मोहीम आखली. या चकमकीविषयी अधिकारी म्हणाले, 'जंगलात नक्षलवादी आणि सुरक्षादलाच्या जवानांसोबत चकमक झाली. या चकमकीत तीन नक्षलवाद्यांचा खात्मा करण्यात आला आहे. तसेच घटनास्थळावरून हत्यारे देखील जप्त केले आहेत'.

Water Shortage In Pardi : मेहकरमधील पारडी गावात भीषण पाणी टंचाई, महिलांचा हंडा माेर्चा

या भागात नक्षलविरोधी अभियानांतर्गत नक्षलवाद्यांच्या विरोधात कारवाई सुरु आहे. तीन दिवसांपूर्वी झालेल्या चकमकीत तीन महिलांसहित कमीत कमी १३ नक्षलवाद्यांचा खात्मा करण्यात यश आलं होतं.