Sangli News : व्हेल माशाच्या उलटीसह काेकणातील तिघांना मिरजेत अटक, 19 कोटी 24 लाखांचा मुद्देमाल जप्त

Sangli News : सांगली जिल्ह्यातील मिरज येथे व्हेल माश्याच्या उलटीचा  पदार्थ सांगली पोलिसांनी चाैघांकडून जप्त केला. त्याची किंमत बाजारात साधारणत: 19 कोटी 16 लाख 20 हजार इतकी असल्याची माहिती पाेलिसांनी दिली. या प्रकरणी पाेलिसांनी सिंधुदुर्ग जिल्ह्यातील मालवण येथील मंगेश शिरवडेकर, संतोष सागवेकर आणि वैभव खोबरेकर यांना अटक केल्याची माहिती कोल्हापूर परिक्षेत्राचे विशेष पोलिस महानिरीक्षक सुनील फुलारी यांनी दिली.

कोल्हापूर परिक्षेत्राचे विशेष पोलिस महानिरीक्षक सुनील फुलारी साम टीव्हीशी बाेलताना म्हणाले सांगली जिल्ह्यात व्हेल माशाची उलटी विक्रीसाठी येणार असल्याची माहिती पाेलिसांना मिळाली. त्यानूसार मिरज शहरात सापळा रचण्यात आला. 

Sambhajinagar Crime News : नशा करण्यासाठी १२ दुचाकी चोरी; चोरटा पोलिसांच्या ताब्यात

मिरज शहरातील म्हैसाळ रोडवर एक दुचाकी व चारचाकी मधून आलेल्या तिघांना पाेलिसांनी संशयावरुन ताब्यात घेतले. त्यांची चाैकशी केली असता त्यांनी उडवाउडवीची उत्तरे दिली. त्यानंतर पाेलिसांनी खाक्या दाखवताच व्हेल माशाची उलटी विक्रीसाठी आल्याचे त्यांनी सांगितले.

पाेलिसांनी त्यांना ताब्यात घेतले. त्यांच्याकडून व्हेल माशाच्या उलटीच्या चार लाद्या हस्तगत केल्या. हा मुद्देमाल तब्बल 19 कोटी 24 लाखांचा असल्याची माहिती कोल्हापूर परिक्षेत्राचे विशेष पोलिस महानिरीक्षक सुनील फुलारी यांनी माध्यमांशी बाेलताना दिली.