OBC Reservation : मराठा समाजानंतर ओबीसी समाजाचाही सरकारला इशारा; मुंबईत आंदोलनासाठी मागितली परवानगी, सरकार काय निर्णय घेणार?

OBC Reservation : मराठा समाजाला आरक्षण मिळावे या मागणीसाठी मनोज जरांगे पाटील यांनी 20 जानेवारीपासून मुंबईत आंदोलन करण्याचा इशारा दिला आहे. त्यानंतर आता ओबीसी समाजानेही 20 जानेवारीपासून राज्यभरात आंदोलनाची हाक दिली आहे. ओबीसीचे हे आंदोलन प्रत्येक तालुका, जिल्हा आणि मुंबईतील आझाद मैदानावर करण्यात येणार आहे. राज्य सरकारने ओबीसी समाजाच्या आंदोलनासाठी आझाद मैदानावर परवानगी द्यावी, अशी मागणी ओबीसी समाजाचे नेते माजी मंत्री प्रकाश शेंडगे यांनी आज पंढरपुरात केली आहे. 

मराठा समाजाला ओबीसीमधून आरक्षण देण्यास आमचा तीव्र विरोध आहे. सरकारने मराठा समाजाच्या दबावाला बळी पडून वेगळा निर्णय घेऊ नये, तसा निर्णय घेतल्यास ओबीसी समाज 2024 च्या निवडणुकीमध्ये विद्यमान सरकारला घरचा रस्ता दाखवेल असा इशाराही शेंडगे यांनी दिला आहे.

Lok Sabha Election : लोकसभेसाठी काँग्रेस ठाकरे गटाला पाचपेक्षा जास्त जागा देणार नाही, नितेश राणेंचा संजय राऊतांना टोला