Pimpari Chinchwad Fire : पिंपरी चिंचवडमध्ये अग्नितांडव! हार्डवेअरच्या दुकानाला आग; एकाच कुटूंबातील ४ जणांचा मृत्यू

Chikhali Hardware Shop Fire: पुणे पिंपरी चिंचवडमधून एक मोठी दुर्घटना समोर आली आहे. पिंपरी चिंचवडमधील चिखली परिसरात एका हार्डवेअरच्या दुकानाला आग लागली. या आगीमध्ये एकाच कुटूंबतील चार जणांचा होरपळून मृत्यू झाला. मृतांमध्ये दोन लहान मुलांचा समावेश आहे. 

याबाबत सविस्तर माहिती अशी की, पिंपरी चिंचवडमधील चिखली पोलीस स्टेशनच्या हद्दीत शाहूनगर परिसरात सचिन हार्डवेअर आणि इलेक्ट्रॉनिक नावाचे दुकान आहे. या दुकानाला दुकानाला पहाटेच्या सुमारास भीषण आग लागली. आग इतकी भीषण होती की त्यामध्ये चार जणांचा होरपळून मृत्यू झाला.

Chhatrapati Sambhaji Nagar Accident: हृदयद्रावक! नियंत्रण सुटल्याने टेम्पो कालव्यात कोसळला, वडिलांचा बुडून मृत्यू; चिमुकली गेली वाहून

आग लागल्याची माहिती समजताच अग्निशामन दलाच्या गाड्या घटनास्थळी दाखल झाल्या, ज्यानंतर आग विझवण्यात आली. शॉर्ट सर्किटमुळे ही आग लागल्याचा सांगण्यात येत आहे. सध्या आगीवर नियंत्रण मिळवण्यात यश आले आहे.

चिमणाराम चौधरी (वय, ४५) द्यानुदेवी चौधरी (वय ४०) सचिन चौधरी (वय, १०) आणि भावेश चौधरी (वय, १५) अशी या दुर्घटनेत मृत्यू झालेल्यांची नावे आहेत. हे सर्वजण राजस्थानमधील पाली जिल्ह्यातील आहेत. घटनेची माहिती मिळताच महापालिका आयुक्त शेखर सिंग यांनीही घटनास्थळी धाव घेतली. या दुर्दैवी घटनेने परिसरात खळबळ उडाली आहे.