Uttar Pradesh Accident News: उत्तर प्रदेशात ट्रकचा भीषण अपघात, लहान मुलासह आठ जणांचा मृत्यू

Uttar Pradesh News: उत्तर प्रदेशातील मुरादाबादमधील दलपतपूर-काशीपूर महामार्गावर भीषण अपघात झाला आहे. पिकअप वाहन आणि ट्रकच्या धडकेत एका लहान मुलासह 8 जणांचा मृत्यू झाला आहे. तर 7 जणांहून अधिक लोक जखमी असल्याची माहिती समोर आली आहे. जखमींना उपचारासाठी रुग्णालयात दाखल करण्यात आले आहे.

अपघातानंतर घटनास्थळी जमलेल्या ग्रामस्थांनी पोलिसांना याची माहिती दिली. यानंतर पोलिसांनी घटनास्थळी पोहोचून बचावकार्य सुरु केले. ही घटना उत्तर प्रदेशमधील भगतपूर पोलीस स्टेशन हद्दीतील खैरखाता गावातील काशीपूर करणपूर रोडची आहे.

उत्तर प्रदेशचे मुख्यमंत्री योगी आदित्यनाथ यांनी मुरादाबाद जिल्ह्यातील या अपघातात झालेल्या जीवितहानीबद्दल दु:ख व्यक्त केले आहे. तसेच मृतांच्या कुटुंबीयांप्रती संवेदना व्यक्त केल्या. अपघातातील जखमींवर योग्य उपचार करण्याच्या सूचना योगी यांची दिल्या आहेत.