Navi Mumbai Rain : अतिउत्साही ६० पर्यटक बेलापूरमध्ये अडकले, रेस्क्यू ऑपरेशनचा व्हिडिओ आला समोर

New Mumbai : मुंबईत सकाळपासून पावसाची रिपरिप सुरु आहे. मागील दोन दिवसांपासून हवामान खात्याने नागरिकांनी गरज असेल तरच घराबाहेर पडा असे आवाहन केले आहे. अशातच नवी मुंबईच्या काही हुल्लड पर्यटकांनी प्रशासनाच्या निर्दशनाचे नियम धाब्यावर बसवत डॅमच्या परिसरात पर्यटकांनी हुल्लडबाजी करत निसर्गाचा आनंद लुटण्याचा प्रयत्न केला पण अतिउत्साहीपण पर्यटकांचा जीवावर बेतलाय. साठजण अडकल्याची प्राथमिक माहिती मिळत आहे. नवी मुंबई रेस्क्यू टीमकडून बचावकार्य सुरु आहे. मोठ्या प्रमाणात पाऊस पडत असल्याने बचावकार्यात अडथळा येत आहे.

बेलापूर येथील सेक्टर आठ बी या परिसरात दुर्गा माता नगर इथे काही पर्यटक अडकल्याची प्राथमिक माहिती मिळत आहे. साधारण साठहून अधिक पर्यटक रविवार असल्याने निसर्ग सौदर्यांचा अनुभव घेण्यासाठी डॅम परिसरात पोहचले होते पण अचानक पाण्याच्या वाढलेल्या प्रवाहाने साठहून पर्यटक अडकून पडले इतकेच नव्हे तर पर्यटकांना सुखरुप बाहेर काढण्यासाठी रेस्क्यू टीम पाचारण करण्यात आली. कालरात्रीपासून नवी मुंबईत पावसाची रिपरिप सुरु आहे.

Ajit Pawar : 'साहेब' येणार म्हणून दादांचा 'अभ्यास'; अधिकाऱ्यांमुळे 'तो' आदेश आला पुन्हा नजरेत

हवामान खात्याने पावसाचा अंदाज देत आधीच मुसळधार पावसाचा इशारा दिला होता. दोन ते तीन दिवस मुसळधार पावसाची हजेरीसुद्धा शहरात आहे. अशातच प्रशासनाकडून पर्यटकांना आवाहन करुनही पर्यटकांचा अतिउत्साहीपण पर्यटकांना नडला आहे. अचानक पावसाचा जोर वाढला तसेच पाण्याचा वेग सुद्धा वाढला त्यामुळे पर्यटक अडकून पडले, यानंतर पर्यटकांची सुटका करण्यासाठी बेलापूर अग्निशमन विभाग आणि पोलीसांच्या मदतीने बचावकार्य सुरु करण्यात आले.
नागरिकांना सुरळीत बाहेर काढण्याचे अद्याप काम अग्निशामक दल आणि पोलीस करत आहेत. महापालिकेचे आयुक्त डॉ. कैलास शिंदे जोरदार पावसाच्या पार्श्वभूमीवर स्वतः विविध भागांची पाहणी करत आहेत आणि परिस्थिती सामान्य करण्यासाठी आवश्यक पावले उचलत आहेत. तर दुसरीकडे नवी मुंबईत रात्रीपासून सुरू असलेल्या जोरदार पावसामुळे जनजीवन विस्कळीत झाले आहे. रस्त्यांवर जलभराव झाल्याने वाहतूक ठप्प झाली आहे आणि लोकांना मोठ्या अडचणींचा सामना करावा लागत आहे.