बीड: जातीपातीच्या जिवावर राज्य करू इच्छिणाऱ्या आणि मोठा होऊ पाहणाऱ्या नेत्याला भविष्यात कोणतेही स्थान नसते पंकजा मुंडे यांचा घणाघात

बीड: समाजात केवळ जातीपातीचे राजकारण करून आणि लोकांमध्ये तेढ निर्माण करून स्वतः मोठे होऊ पाहणाऱ्या किंवा सत्तेवर येऊ इच्छिणाऱ्या नेत्यांना भविष्यात कधीही राजकीय स्थैर्य लाभणार नाही, असा जोरदार व स्पष्ट इशारा भाजप नेत्या तथा मंत्री पंकजा मुंडे यांनी दिला आहे. दसरा मेळाव्याच्या निमित्ताने आयोजित भव्य जाहीर सभेत बोलताना त्यांनी राजकारणातील जातपातीवर तीव्र शब्दांत ताशेरे ओढले. कुठल्याही एका विशिष्ट जातीच्या किंवा धर्माच्या जोरावर राजकारण करणाऱ्यांचे आयुष्य फार काळ टिकत नाही, असे सांगत त्यांनी विकासात्मक आणि सर्वसमावेशक राजकारणाचा जोरदार पुरस्कार केला.

दुष्काळ आणि जातीच्या भिंती:

सध्या महाराष्ट्रात आणि मराठवाड्यात असलेल्या दुष्काळी परिस्थितीवर बोलताना पंकजा मुंडे यांनी अत्यंत महत्त्वपूर्ण भाष्य केले. त्या म्हणाल्या की, जेव्हा राज्यावर किंवा जनतेवर एखादे मोठे नैसर्गिक संकट ओढवते, तेव्हा सर्व जाती-धर्मांच्या भिंती एका क्षणात आणि एका टिचकीमध्ये तुटून जातात. दुष्काळ हा कधीही श्रीमंत किंवा गरीब असा भेद करून येत नाही. कडक ऊन गरिबावर आणि श्रीमंतावर वेगवेगळे पडत नाही, तसेच तहान आणि जनावरांचा चारा हा देखील सर्वसामान्यांसाठी समान असतो. या कठीण काळात आपल्याला जाती-धर्माच्या सर्व भिंती पूर्णपणे तोडून टाकायच्या आहेत आणि आपण त्या प्रत्यक्ष कृरून दाखवल्या आहेत, असेही त्यांनी आवर्जून सांगितले. अंतरवाली सराटीचा उल्लेख करत त्यांनी आपण तेथील विकासाची जबाबदारी घेतल्याचे जाहीर केले.

'जेन झी' (Gen Z) आणि तरुण पिढीविषयी भाष्य:

परदेशातील आंदोलनांचे आणि सध्याच्या जागतिक घडामोडींचे दाखले देत पंकजा मुंडे यांनी आजच्या तरुण पिढीवर (Gen Z) विशेष भाष्य केले. त्या म्हणाल्या, "तुम्ही टीव्ही आणि सोशल मीडियावर रिल्स बघत असता. पॅरिस आणि फ्रान्समध्ये हिंसाचार सुरू आहे, इराण आणि रशियामध्ये युद्ध सुरू आहे; मात्र आपल्या देशात अशी तरुण पिढी असायला हवी जिच्या रक्तात निखळ देशभक्ती भिनलेली असेल. स्वतःचे देश आणि घरे जाळून आंदोलन करणारी तरुण पिढी देशाला नको आहे. जयप्रकाश नारायण यांच्या आंदोलनात जसे देशभक्तीने झपाटलेले सैनिक होते, तशी आजच्या तरुण पिढीला गरज आहे. तुम्ही 'जेन झी' आहात आणि तुमचे नेतृत्व केवळ गुद्द्याने किंवा दहशतीने होणार नाही, तर ते केवळ आणि केवळ ठोस मुद्द्यांच्या आधारेच होईल."

विखारी दिशा देणाऱ्या राजकारणावर टीका:

पुढे बोलताना पंकजा मुंडे म्हणाल्या की, ज्या नेत्यांकडे किंवा व्यक्तींकडे लोकांच्या कल्याणाचा कोणताही ठोस विकासात्मक अजेंडा नसतो, ते केवळ समाजाला दिशाभूल करणारी आणि विखारी दिशा दाखवण्याचे काम करतात. पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली सीएसआर (CSR) फंड आणि विविध सरकारी योजनांच्या माध्यमातून गावागावांत पाणी पोहोचवणे, जनावरांसाठी चारा उपलब्ध करून देणे आणि शेतकर्यांना सक्षम बनवणे यासाठी आपण त्यांची बनून सातत्याने काम करत राहू, अशी ग्वाही त्यांनी उपस्थितांना दिली.