Feng Shui : करिअरमध्ये यश मिळवायचंय? मग या सोप्या गोष्टी कराच, भाग्य उजळेल

फेंग शुई हे चीनी वास्तुशास्त्र आहे, वास्तुशास्त्रामध्ये ज्या काही गोष्टी सांगण्यात आल्या आहेत, त्यातील अनेक गोष्टी या फेंग शुईमध्ये देखील सांगण्यात आल्या आहेत. मात्र काही बाबतीमध्ये दोन्ही शास्त्रात फरक आढळून येतो. मात्र फेंग शुई आणि वास्तु शास्त्र या दोन्ही शास्त्रांचा उद्देश एकच आहे, तो म्हणजे घरातील नकारात्मक ऊर्जा कमी करून, सकारात्मक ऊर्जा वाढवणे, जेव्हा घरामध्ये नकारात्मक ऊर्जा वाढते, तेव्हा तिचा परिणाम हा त्या घरातील कुटुंबप्रमुखासह घरातील सर्वच सदस्यांवर होत असतो. जेव्हा घरात नकारात्मक ऊर्जा तयार होते, तेव्हा घरात काहीही कारण नसताना अचानक वादविवाद वाढतात, पती-पत्नीमध्ये विनाकारण भांडणं होतात, तसेच अचानक एखादं आर्थिक संकट, व्यापारात नुकसान असे अनुभव येऊ शकतात. घरातील नकारात्मक ऊर्जा दूर करण्यासाठी फेंग शुईमध्ये अनेक उपाय सांगण्यात आले आहेत. आज आपण जर करिअरमध्ये यश मिळवायचं असेल तर काय उपाय सांगण्यात आले आहेत? त्याबद्दल माहिती जाणून घेणार आहोत.

तिजोरीत आरसा लावा – जर घरात नकारात्मक ऊर्जा निर्माण झाली तर त्याचा परिणाम हा तुमच्या आर्थिक स्थितीवर देखील होतो. तुम्ही पैसे कितीही कमावले तरी ते तुमच्या हातात टिकत नाहीत, त्यामुळे आर्थिक संकट टाळण्यासाठी फेंग शुईमध्ये घरातील तिजोरीमध्ये आरसा लावण्याचा सल्ला देण्यात आला आहे, यामुळे तुमच्यावरील आर्थिक संकट दूर होऊन तिजोरी पैशांनी भरलेली राहील, असं फेंग शुईमध्ये म्हटलं आहे.

डायमंड क्रिस्टल – घरातील नकारात्मक ऊर्जा दूर करण्यासाठी फेंगशुईमध्ये हा देखील एक उपाय सांगण्यात आला आहे, फेंग शुईनुसार तुम्ही जर तुमच्या टेबलवर किंवा छतावर डायमंड क्रिस्टल लावला तर त्यामुळे सर्व प्रकारच्या वाईट आणि नकारात्मक शक्तींपासून तुमच्या घराचं संरक्षण होतं. सर्वप्रकारचे वास्तुदोष दूर होतात.

विंड चाइम – विंड चाइमचा आवाज हा फेंग शुईमध्ये अत्यंत शुभ मानला गेला आहे, त्यामुळे घराच्या मुख्य दरवाजावर विंड चाइम लावावे असा सल्ला फेंग शुईमध्ये देण्यात आला आहे. घराचा मुख्य दरवाजा हा ऊर्जेचा सर्वात मोठा स्त्रोत असतो, त्यामुळे तुम्ही जर घराच्या मुख्य दरवाजावर विंड चाइम लावला तर तुमच्या घरात सकारात्मक ऊर्जा प्रवेश करते, असं फेंग शुईमध्ये म्हटलं आहे.

दक्षिणेला लाल बल्ब – तसेच फेंग शुईमध्ये तुमच्या घराच्या दक्षिण दिशेला लाल बल्ब लावण्याचा सल्ला देखील देण्यात आला आहे, यामुळे घरात सकारात्मक ऊर्जा राहते, अशी मान्यता आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)