बार्शी हादरले! शेअर मार्केटच्या नादात उद्ध्वस्त झाला संसार; १.८० कोटींच्या कर्जापायी मुख्याध्यापकाने पत्नी आणि दोन मुलांचा जीव घेतला; त्यानंतर स्वतःही संपवले आयुष्य.

बार्शी (सोलापूर): सोलापूर जिल्ह्यातील बार्शी तालुक्यातील हत्तीज गावात एक अत्यंत हृदयद्रावक आणि धक्कादायक घटना समोर आली आहे. शेअर मार्केटमध्ये (Share Market) झालेल्या कोट्यवधी रुपयांच्या नुकसानामुळे आणि त्यातून निर्माण झालेल्या १ कोटी ८० लाख रुपयांच्या कर्जाच्या विवंचनेतून, एका जिल्हा परिषद शाळेच्या मुख्याध्यापकाने आपल्या पत्नी आणि दोन मुलांची हत्या करून स्वतः आत्महत्या केली आहे.

 

नेमकी घटना:
योगेश पाटील (वय ४०) असे आत्महत्या केलेल्या मुख्याध्यापकाचे नाव आहे. योगेश पाटील हे नंदुरबार येथील एका जिल्हा परिषद शाळेत मुख्याध्यापक म्हणून कार्यरत होते. शालेय सुट्ट्या असल्याने ते आपल्या हत्तीज येथील मूळ गावी कुटुंबासोबत आले होते. दरम्यान, काही काळापासून ते शेअर बाजारात मोठी गुंतवणूक करत होते, परंतु त्यात त्यांना वारंवार प्रचंड आर्थिक नुकसान सोसावे लागले.

२२ पानांची सुसाईड नोट:
आर्थिक संकट आणि कर्जाच्या डोंगरामुळे निर्माण झालेल्या नैराश्यातून त्यांनी हे टोकाचे पाऊल उचलले. त्यांनी आधी आपली पत्नी माधुरी आणि दोन मुले - अथर्व आणि शिवांश यांना विष देऊन संपवले, त्यानंतर स्वतः गळफास घेऊन आपली जीवनयात्रा संपवली. घटनास्थळाची पाहणी करत असताना पोलिसांना तब्बल २२ पानांची सुसाईड नोट सापडली आहे, ज्यात त्यांनी शेअर बाजारातील नुकसान आणि कर्जाच्या तणावाचा उल्लेख केला आहे. या घटनेमुळे संपूर्ण बार्शी तालुक्यात हळहळ व्यक्त होत असून, परिसरात शोककळा पसरली आहे.

 

सविस्तर वाचा, लिंक कमेंट मध्ये   https://punenews24.in/