नाशिक: सरकारी डॉक्टरचा संतापजनक प्रताप; सुसाट लक्झरी कार दामटून इतर वाहनांना धडक आणि पादचाऱ्यांना उडवले!

नाशिक: जिल्हा रुग्णालयातील शस्त्रक्रिया विभागात सर्जन म्हणून कार्यरत असलेल्या एका डॉक्टरने सीबीएस-मेहेर सिग्नल या रस्त्यावर सुसाट वाहन चालवत जिल्हाधिकारी कार्यालयासमोर एक दुचाकी, रिक्षाला धढक देत तीन पादचाऱ्यांनाही उडविले. वृद्ध महिलेला गंभीर दुखापत झाली असून अन्य दोघांना किरकोळ स्वरूपाची दुखापत झाल्याचे पोलिसांनी सांगितले. संशयित डॉ. दिनेश सीताराम पवार यांना ताब्यात घेतले असून त्यापूर्वी नागरिकांनी त्यांना चोप दिला.

शहरातील अत्यंत महत्त्वाचा व मध्यवर्ती भागातील हा स्मार्ट रोड आहे. या रस्त्यावरून गुरुवारी (दि.१०) दुपारी तीन वाजेच्या सुमारास आरोग्य विभागातील सरकारी सेवेत कार्यरत असलेले संशयित पवार यांनी त्यांच्या ताब्यातील कार (एमएच १५ जेएम ४५२५) बेदरकारपणे भरधाव चालवत रस्त्याच्या परिस्थितीकडे दुर्लक्ष केले. यावेळी त्यांचे जिल्हाधिकारी कार्यालयासमोरील सिटी लिंक बसथांबा येथे कारवरील नियंत्रण सुटले. यामुळे कारने अगोदर दुचाकीला नंतर रिक्षाला (एमएच १५ जेए ८२९७) जोरदार धडक दिली. तसेच तीन पादचान्यांनाही धडक बसली. सुदैवाने ते बालंबाल बचावले, असे प्रत्यक्षदर्शीनी सांगितले.

यावेळी सीबीएसकडून मेहेर सिग्नलकडे जाणारी वाहतूक खोळंबली. घटनेची माहिती मिळताच पोलीस देखील काही मिनिटांतच दाखल झाले. पवार
यांना तातडीने वाहनात बसवून पोलीस ठाण्यात नेले. पवार यांनी मद्यप्राशन केले होते, असा आरोप नागरिकांनी यावेळी केला. त्यांच्याविरुद्ध सरकारवाडा पोलीस ठाण्यात गुन्हा दाखल करण्यात आला आहे.

नागरिकांचा चढला पारा
डॉ. पवार यांना काही तरुणांनी कारमधून खाली उत्तरविले, यावेळी त्यांचा तोल जात असल्याचे बघून नागरिकांचा पारा चढला अन् काही संतप्त तरुणांनी पवार यांना चोप दिला. पोलीस घटनास्थळी येईपर्यंत नागरिकांनी त्यांना धरून ठेवले होते.

'इमर्जन्सी ड्यूटी, सिव्हिल हॉस्पिटल, कारवर पाटी
महाधुंद अवस्वेत सुसाट कार चालविणाऱ्या पवार यांनी कारख्या डॅशबोर्डवर 'इमर्जन्सी ड्यूटी, सिव्हिल हॉस्पिटल, सर्जन' असे इंग्रजीतून अक्षरे लिहिलेली पाटी लावलेली आढळून आली, नागरिकांनी त्यांच्या ओळखपत्रावरून ओळख पटविली. पवार हे शस्त्रक्रिया विभागात सर्जन पदावर कार्यरत असल्याचे अधिष्ठाता यांनी सांगितले.