रायगड: दागिन्यांच्या हव्यासापोटी वृद्धेचा जीव घेतला! अलिबागमध्ये ८५ वर्षीय महिलेची हत्या; मृतदेह आंबेनळी घाटात फेकला

अलिबाग तालुक्यातील सारळ आदिवासीवाडी येथे राहणाऱ्या सुनंदा लक्ष्मण पाटील (वय ८५) या वृद्ध महिलेच्या बेपत्ता होण्याच्या प्रकरणाने रायगड जिल्ह्यात खळबळ उडवून दिली होती. मांडवा पोलिसांनी या प्रकरणाचा सखोल तपास करून हत्येचे गूढ उकलले आहे. नेमकी घटना:तपासात असे समोर आले की,

आरोपींनी सुनंदा पाटील यांना सारळ येथून तिनविरा परिसरात नेले होते. तिथे त्यांचा गळा आवळून हत्या करण्यात आली. खुनाचे पुरावे नष्ट करण्यासाठी आरोपींनी मृतदेह आंबेनळी घाटातील खोल दरीत फेकून दिला.

आरोपी आणि तपास:याप्रकरणी सुनंदा पाटील यांच्या नातेवाईकासह दोन जणांना अटक करण्यात आली आहे. अटक केलेल्या आरोपींची नावे अनदर्श हिराजी शेडगे (वय ३२) आणि रितेश नरेश लोहार (वय २०, दोघे रा. तिनविरा, ता. अलिबाग) अशी आहेत.

प्राथमिक माहितीनुसार, दागिन्यांच्या हव्यासापोटी हा खून करण्यात आल्याचे निष्पन्न झाले आहे. आंबेनळी घाट परिसरात मृतदेह आढळल्याने आणि यापूर्वीही तिथे संशयास्पद घटना घडल्या असल्याने हा परिसर पुन्हा एकदा चर्चेत आला आहे.