Pune News : धक्कादायक! वाघोली पोलीस चौकीसमोर पेटवून घेतलेल्या तरुणाचा उपचारादरम्यान मृत्यू

Pune News : पुण्यामधून  एक धक्कादायक घटना समोर आली आहे. पुण्यातील वाघोली पोलीस चौकीसमोर पेटवून घेतलेल्या रोहिदास जाधव या तरुणाचा उपचारादरम्यान मृत्यू झाला. या घटनेने सर्वत्र खळबळ उडाली आहे.

याबाबत सविस्तर माहिती अशी की, काही दिवसांपूर्वीच लोणीकंद पोलीस ठाण्याच्या हद्दीत असणाऱ्या वाघोली पोलीस चौकीसमोर रोहिदास जाधव या तरुणाने स्वतःवर डिझेल टाकून पेटवून आत्महत्येचा प्रयत्न केला होता. यामध्ये तो ९० टक्के भाजला असून त्याच्यावर सूर्या हॉस्पिटलमध्ये उपचार सुरू होते. मात्र उपचारादरम्यान आज (१९, फेब्रुवारी) त्याचा मृत्यू झाला.

Shiv Jayanti : “राजनीतीधुरंधर, सिंहासनाधीश्वर…”, शिवनेरीवर बाल शिवरायाच्या आगमनाचा उत्साह, घोषणांनी निनादला आसमंत!

रोहिदास अशोक जाधव ( वय २८) हा तरुण सिद्धी अपार्टमेंट, डोमखेल रोड, वाघोली परिसरातील राहणारा आहे. काही दिवसांपुर्वी त्याने शेजाऱ्यांकडून होणाऱ्या त्रासाबाबत पोलिसांत तक्रार दाखल केली होती. शेजाऱ्यांकडून मारहाण झाल्यानंतर पोलिसांनी अदखलपात्र गुन्हा दाखल केला. मात्र त्यांच्यावर कारवाई केली नसल्याने रोहिदास जाधवने १३ फेब्रुवारी रोजी आत्महत्येचा प्रयत्न केला होता

दरम्यान, या संपूर्ण प्रकरणी वरिष्ठ पोलीस अधिकाऱ्यांनी दखल घेत लोणी कंद पोलीस ठाण्याचे वरिष्ठ पोलीस निरीक्षक यांची तडफडकी बदली केली होती. तसेच याच प्रकरणी २ पोलीस कर्मचारी निलंबित झाले होते.