Pune : माजी राष्ट्रपती प्रतिभाताई पाटील यांची तब्येत बिघडली; पुण्यातील रुग्णालयात उपचार सुरू

Pune : देशाच्या माजी राष्ट्रपती प्रतिभाताई पाटील यांची तब्येत बिघडल्याची माहिती आहे. त्यांना तातडीने उपचारासाठी पुणे येथील भारती हॉस्पिटलमध्ये दाखल करण्यात आलं आहे. सध्या डॉक्टरांकडून प्रतिभाताई पाटील यांच्यावर उपचार सुरू आहे. त्या लवकर बऱ्या व्हाव्यात अशी प्रार्थना अनेकजण करीत आहेत.

प्रतिभाताई पाटील यांचे वय ८९ वर्ष असून त्या भारताच्या पहिल्या महिला राष्ट्रपती आहेत. २००७ ते २०१२ या काळात त्यांनी राष्ट्रपतीपद भूषवलं होतं. गेल्या काही दिवसांपासून प्रतिभाताई पाटील यांची प्रकृती बरी नाहीये. बुधवारी (ता. १३) अधिकच अस्वस्थ वाटू लागल्याने कुटुंबियांना त्यांना पुणे येथील रुग्णालयात उपचारासाठी रुग्णालयात दाखल केले.

Velhe News : वेल्हे तालुक्याचे नामकरण करून राजगड तालुका करण्याचा राज्य मंत्रिमंडळाचा निर्णय

सध्या डॉक्टरांच्या मदतीने प्रतिभाताईंवर उपचार सुरू आहेत. कायदेतज्ज्ञ असलेल्या प्रतिभाताई जळगाव विधानसभा मतदार संघातून निवडून आल्या होत्या. नंतर त्या एस.टी. महामंडळाच्या अध्यक्षा झाल्या. पहिल्यांदाच मंत्री आणि त्यानंतर सतत २० वर्षे त्यांनी निरनिराळ्या खात्याची मंत्रीपदे सांभाळली.  

आरोग्य, पर्यटन, संसदीय कार्य, गृहनिर्माण, समाजकल्याण सांस्कृतिक, सार्वजनिक आरोग्य समाजकल्याण, दारूबंदी पुनर्वसन, शिक्षणमंत्री, असे मंत्रीपदे भूषवत विधान सभेवर फेरनिवड, विधान मंडळ नेतेपदी निवड, राज्यसभेवर निवडून गेल्या होत्या.

त्यानंतर राज्यसभेच्या उपाध्यक्षा म्हणून त्यांनी जबाबदारी स्विकारली. १९९१ साली त्या अमरावतीतून लोकसभा सदस्य झाल्या. राष्ट्रपती पदावर असताना प्रतिभाताई पाटील यांनी संपूर्ण जगात त्यांनी भारताची नवी ओळख करून दिली.

त्या आजवरच्या सगळ्यांत ’दयाळू’ राष्ट्रपती ठरल्या. राष्ट्रपती पदावरून निवृत्त झाल्यानंतर पुणे येथे स्थायिक झाल्या आहेत. राजकारणात आणि समाजकारणात पाऊल ठेवणाऱ्या प्रत्येक महिलेपुढे माजी राष्ट्रपती प्रतिभाताई पाटील यांचा आदर्श आहे.