Mumbai Pune : मुंबई-पुणे एक्सप्रेसवेवर भीषण अपघात, रील स्टार तरूणीचा जागीच मृत्यू

Mumbai Pune Expressway crash : मुंबई-पुणे एक्सप्रेसवेवर पनवेलजवळ क्रूझरचा भीषण अपघात झाला, यामध्ये २२ वर्षाच्या इन्फ्लूएन्सर असफिया बानो मोहम्मद फरीद खान हिचा जागीच (Famous influencer Asfiya Bano dies in Panvel SUV accident) मृत्यू झाला आहे. असफिया खानही उत्तर प्रदेशमधील लखनौ येथील आहे. असफिया मित्रांसोबत फिरण्यासाठी मुंबईला आली होती. ती लोणावळ्याला निघाली होती, त्यावेळी पलस्पे फाट्याजवळ गाडी काँक्रीट ब्लॉकला धडकून पलटी झाली. त्यामध्ये असफियाचा मृत्यू झाला तर चार जण जखमी आहेत. जखमींना मुंबईतील कपूर रूग्णालयात उपचारासाठी दाखल करण्यात आले आहे. त्यांची प्रकृती गंभीर असल्याचे समजतेय.

२२ वर्षाच्या असफियाचे सोशल मीडियावर दहा लाखांहून अधिक फॉलोअर्स होते. १५ दिवसांपूर्वी ती आपल्या मित्रांसह टोयोटा क्रूझर गाडीतून मुंबईत आली होती. रविवारी मध्यरात्री ती आणि तिचे मित्र मुंबईहून लोणावळ्याकडे जात होते, त्यावेळी काळाने घाला घातला. चालक नूर आलम खान (वय ३४) याचे एसयूव्हीवरील नियंत्रण सुटले.

Mhada Home Price : खुशखबर! म्हाडाच्या घरांच्या किंमती आणखी कमी होणार; सरकारच्या नेमका प्लान काय?

गाडी रस्त्यावरील काँक्रीट ब्लॉकला धडकून पलटी झाली. या अपघातात मागच्या सीटवर बसलेल्या असफियाला डोक्याला गंभीर दुखापत झाली अन जागेवरच मृत्यू झाला. तर मोहम्मद अरबाज मोहम्मद अहमद (वय २४), मोहम्मद अरिफ मोहम्मद आझम (वय २४) आणि रिझवान खान (वय २६) हे देखील गंभीर जखमी झाल्याची माहिती पोलिसांनी दिली.

अपघाताची माहिती मिळताच पोलिसांनी तात्काळ घटनास्थळी धाव घेतली. जखमींना कामोठे येथील एमजीएम रुग्णालयात दाखल केले. मात्र, असफियावर उपचार करण्याआधीच डॉक्टरांनी मृत घोषित केले. सहाय्यक पोलिस निरीक्षक सुभाष दिगे यांनी सांगितले की, हा अपघात अतिवेगाने गाडी चालवल्यामुळे घडला आहे. चालकाच्या विरोधात गुन्ह दाखल करण्यात आला आहे. अपघातामध्ये गाडीचा चक्काचूर झाला आहे. एअरबॅग्जमुळे इतर चार जणांचा जीव वाचला, परंतु असफियाला झालेली गंभीर दुखापत प्राणघातक ठरली.