Mumbai Hit and Run : मुंबईत पुन्हा हिट अँड रनचा थरार; भरधाव कारच्या धडकेत २४ वर्षीय तरुणाचा जागीच मृत्यू

Mumbai : पुणे आणि वरळीची हिट अँड रनची घटना ताची असतानाच मुंबईत पुन्हा एकदा हिट अँड रनची घटना घडली आहे. वरळीनंतर आता गोरेगावमध्ये हिट अँड रनची घटना घडली आहे. या भीषण घटनेत एका २४ वर्षीय तरुणाचा जागीच मृत्यू झाला आहे. आज गुरुवारी पहाटे साडेचार वाजण्याच्या सुमारास ही भीषण दुर्घटना घडली आहे. या अपघातानंतर परिसरात एकच खळबळ उडाली आहे.

मिळालेल्या माहितीनुसार, मुंबईच्या गोरेगाव पूर्वेकडील आरे कॉलनी रस्यावर एक हिट अँड रनचं प्रकरण उघडकीस आलं आहे. आज गुरुवारी पहाटे साडेचार वाजण्याच्या सुमारास दुचाकीवरून दूध पोचवण्यासाठी निघालेल्या २४ वर्षीय तरुणाला भरधाव कारने धडक दिली. या भरधाव कारच्या धडकेत तरुणाचा जागीच मृत्यू झाला आहे.

Pimpri Chinchwad : आईच्या प्रियकराकडून 14 वर्षीय मुलीवर लैंगिक अत्याचार; पिंपरी चिंचवडमधील संतापजनक घटना

भरधाव कारने धडक दिल्यानंतर खांबावर जाऊन धडकली. यावेळी कारमधील चालकासह ४ जण किरकोळ जखमी झाले. अपघातानंतर जखमींना जोगेश्वरी पूर्वेकडील बाळासाहेब ठाकरे रुग्णालयात उपाचारासाठी दाखल करण्यात आलं. या अपघात प्रकरणी गुन्हा नोंदवण्यात आला आहे. या भरधाव कारचा चालक अल्पवयीन असल्याचे समोर आले आहे.

दरम्यान, सध्या तिन्ही आरोपी वनराई पोलिसांच्या ताब्यात आहेत. कार चालक अल्पवयीन मुलगा आणि कार चालकाचा मुलगा या दोघांचेही रक्ताचे नमुने घेऊन तपासणीसाठी पाठवले आहेत. त्या तरुणांनी मद्यपान केले होते किंवा नाही हे रक्त तपासणी नमुना अहवाल आल्यानंतरच स्पष्ट होईल.

पुणे आणि वरळी हिट अँड रन प्रकरणात रात्री उशिरापर्यंत सुरू असलेल्या बार आणि क्लबवर देखील कारवाई करण्यात आली होती. आता वनराई पोलीस ठाण्याच्या हद्दीत असलेल्या रॉयल पाम येथील व्हिलामध्ये देखील अशाच दारू पार्ट्या रंगत असल्याच्या अनेक तक्रारी परिसरातील नागरिकांकडून पोलीस ठाण्यात करण्यात आल्या होत्या. मात्र आता एक निष्पाप तरुणाचा बळी गेल्यानंतर रात्री उशिरापर्यंत अवैधपणे सुरू असणाऱ्या या व्हिला मधील दारू पार्ट्यांवर पोलीस कारवाई करणार का, हा प्रश्न या निमित्ताने निर्माण झाला आहे.