बीड: 'माझ्याकडे तुझे फोटो, पळून आली नाहीस तर व्हायरल करीन'; परळीत अल्पवयीन मुलीचा विनयभंग, नराधम गजाआड!

बीड: 'विनयभंग आणि ब्लॅकमेलिंगचा थरारमिळालेल्या माहितीनुसार, पीडित अल्पवयीन मुलगी नेहमीप्रमाणे घरातून दूध आणण्यासाठी बाहेर पडली होती. रस्त्याने जात असताना आरोपी कृष्णा बाबूराव शिंदे याने तिचा पाठलाग केला. गल्लीत मुलगी एकटी असल्याचे पाहून आरोपीने तिला गाठले आणि तिचा रस्ता अडवून विनयभंग केला. केवळ विनयभंग करून आरोपी थांबला नाही, तर त्याने पीडितेवर लग्नासाठी दबाव टाकण्यास सुरुवात केली. "आपण दोघे पळून जाऊन लग्न करू, तू पळून जाण्यासाठी तयार राहा," असे त्याने मुलीला धमकावले. मुलीने या गोष्टीला स्पष्ट नकार दिला असता, आरोपीने तिला ब्लॅकमेल करण्यास सुरुवात केली.

त्याने "माझ्याकडे तुझे फोटो आहेत, तू जर माझ्यासोबत पळून आली नाहीस तर हे सर्व फोटो मी सोशल मीडियावर व्हायरल करून तुझी बदनामी करीन," अशी धमकी दिली. आरोपीच्या या त्रासाला आणि धमक्यांना कंटाळून पीडित मुलीने अखेर आपल्या कुटुंबीयांना घडलेला सर्व प्रकार सांगितला. त्यानंतर तातडीने परळी पोलीस ठाण्यात आरोपीविरुद्ध गुन्हा दाखल करण्यात आला. गुन्ह्याचे गांभीर्य ओळखून पोलिसांनी तातडीने कारवाई करत आरोपी कृष्णा बाबूराव शिंदे याला अटक केली आहे. या प्रकरणाचा अधिक तपास परळी पोलीस करत आहेत.