Election Update : नगरपरिषद निवडणुकीला अचानक ब्रेक! मतदानाच्या आदल्या दिवशी आयोगाचा धक्कादायक निर्णय

Election Update : निवडणुकीच्या प्रचारातील 30 नोव्हेंबरचा 'सुपर संडे' चांगलाच चर्चेत आलाय. कारण मतदानाला काही तास शिल्लक असतानाच निवड़णुक आयोगानं नगरपरिषदेच्या निवडणुकीला ब्रेक लावला आहे. निवडणूक आयोगाने 10 नगरपरिषद आणि 1 नगरपंचायतींसाठी आता 20 डिसेंबरला मतदान आणि 21 डिसेंबरला मतमोजणी पार पडेल असं जाहीर केलंय. जिल्हा न्यायालयात निवडणूक प्रक्रियेबाबत याचिका दाखल करण्यात आली होती. यासंर्दभात जिल्हा न्यायालयानं निकाल देण्यासाठी आठ दिवसांचा कालावधी घेतला आहे.

निवडणुका कुठे लांबणीवर?

बारामती

फलटण

महाबळेश्वर

मंगळवेढा

कोपरगाव

देवळाली

पाथर्डी

बाळापूर

अंजनगाव सुर्जी

अंबरनाथ

ऐनवेळेस निवडणूका पुढे ढकल्यानं राजकीय पक्षांनी संताप व्यक्त केलाय. बहुमतासाठी निवडणूक आयोग आणि सत्ताधाऱ्यांची ही छुपी युती असल्याचा गंभीर आरोप काँग्रेसने केलाय. तर या निर्णयावर ठाकरे सेनेनेही टीका केली आहे. ज्यांनी यंत्रणेचा वापर केला त्यांना पैसे वाटपाची अजून संधी मिळणार, असा टोला लगावला आहे.

मतदार यांद्यामधील घोळामुळे आधीच निवडणूक आयोगावर विरोधक तुटून पडले आहेत. त्यात राजकीय आरक्षणावरुन सुप्रीम कोर्टाने निवडणूक आयोगाचे कान टोचले आहे. आता अगदी मतदान अवघ्या काही तासांवर असताना काही ठिकाणी निवडणूक पुढे ढकलल्याने मतदारांमध्येही संभ्रम निर्माण झालाय. तांत्रिक कारणामुळे निवडणुका पुढे ढकलण्याची राज्यातली ही पहिलीच वेळ आहे.मात्र त्यामुळे प्रशासनाला तर पुन्हा तयारी करावी लागणार आहेच पण उमेदवारांनाही आपापल्या भागात निवडणुकीचं वातावरण कायम राखण्यासाठी २० डिसेंबरपर्यंत तारेवरची कसरत करावी लागणार आहे.