Human Rights Report : भारतात मानवी हक्कांचे उल्लंघन.. मणिपूर हिंसाचार, राहुल गांधींच्या शिक्षेचा दाखला देत अमेरिकेने ठेवला ठपका

याबाबत सविस्तर माहिती अशी की, अमेरिकेचे परराष्ट्र मंत्री अँटोनी ब्लिंकन यांनी मानवी हक्कांबाबतचा अहवाल सादर केला आहे. या अहवालामध्ये भारत आणि भारतातील घटनांबाबत एक वेगळा विभाग करून भारतात झालेल्या मानवी हिंसाचाराबाबत भाष्य करण्यात आले आहे. ज्यामध्ये विविध घटनांचा विशेष उल्लेख करण्यात आला आहे.

या अहवालामध्ये मणिपूरमधील हिंसाचार रोखण्यात भारत सरकार आणि मणिूपरमधील राज्य सरकार अपयशी ठरल्याचा ठपका ठेवण्यात आला आहे. त्याचबरोबर बीबीसी इंडियाच्या कार्यालयावर टाकलेले छापे, सुरत न्यायालयाने राहुल गांधींना  ठोठावलेली दोन वर्षांच्या तुरुंगवासाची शिक्षा या घटनांवरुनही भाष्य करण्यात आले आहे.