वानखेडेवर राडा! टी-२० मुंबई लीगच्या फायनलमध्ये गौरव जठार आणि तुषार देशपांडे आमनेसामने; मैदानावर मोठा गदारोळ

मुंबई: वानखेडे स्टेडियमवर नुकत्याच पार पडलेल्या 'टी-२० मुंबई लीग २०२६' च्या अंतिम सामन्यात क्रिकेटच्या थरारासोबतच एक धक्कादायक प्रकार पाहायला मिळाला. आर्क्स अंधेरी आणि एमएससी (MSC) मराठा रॉयल्स यांच्यातील या अटीतटीच्या सामन्यात मराठा रॉयल्सने ८ धावांनी विजय मिळवला, परंतु सामन्याच्या १९ व्या षटकात मैदानावर खेळाडूंमधील वादाने तणावाचे वातावरण निर्माण केले होते.

 

 

नेमके काय घडले?  सामन्याच्या दुसऱ्या डावात १९ वे षटक सुरू असताना आर्क्स अंधेरीचा फलंदाज गौरव जठार याने एका चेंडूवर शानदार षटकार मारून संघाच्या आशा पल्लवित केल्या होत्या. मात्र, पुढच्याच चेंडूवर गोलंदाज इरफान उमैरने त्याला एलबीडब्ल्यू (LBW) बाद केले. गौरव बाद झाल्यानंतर जेव्हा पॅव्हेलियनच्या दिशेने परतत होता, तेव्हा मराठा रॉयल्सच्या खेळाडूंनी आक्रमक सेलिब्रेशन केले. हे सेलिब्रेशन गौरव जठारला आवडले नाही आणि त्याने आपली तीव्र नाराजी व्यक्त केली.

 

 

मैदानावर वादाची ठिणगी  ही बाब एवढी वाढली की, मराठा रॉयल्सचा वेगवान गोलंदाज तुषार देशपांडे आणि गौरव जठार यांच्यात शाब्दिक चकमक उडाली. या वादात नंतर रोहन राजेही सहभागी झाला. परिस्थिती हाताबाहेर जात असल्याचे पाहून मैदानावरील अंपायर आणि इतर खेळाडूंनी तातडीने हस्तक्षेप केला आणि वाद मिटवण्याचा प्रयत्न केला. तणाव इतका वाढला होता की चौथ्या अंपायरलाही दोघांना वेगळे करण्यासाठी मैदानात यावे लागले.

सामन्याचा निकाल  विवादाच्या या घटनेनंतरही सामन्याची लय टिकवून ठेवत एमएससी मराठा रॉयल्सने हा सामना ८ धावांनी जिंकत जेतेपदावर नाव कोरले. सिद्धेश लाडच्या नेतृत्वाखाली खेळणाऱ्या मराठा रॉयल्सने १५४ धावांचे लक्ष्य ठेवले होते, ज्याचा पाठलाग करताना आर्क्स अंधेरीचा संघ १४६ धावांपर्यंतच मजल मारू शकला. तुषार देशपांडेने या सामन्यात निर्णायक गोलंदाजी केली.

 

सविस्तर वाचा, लिंक कमेंट मध्ये  https://punenews24.in/