Buldana News : भरधाव ट्रक आणि टेम्पोची जोरदार धडक; भीषण अपघातात 2 ठार तर 2 गंभीर जखमी

Buldana News : बुलढाण्यातील राष्ट्रीय महामार्ग क्रमांक 6 वर ट्रक आणि टेम्पोमध्ये भीषण अपघात झाला आहे. ट्रक आणि टेम्पोची समोरासमोर जोरदार धडक झाल्याने हा अपघात झालाय. या अपघातात २ जणांचा जागीच मृत्यू झाला असून अन्य २ जण गंभीर जखमी आहेत.

मलकापूर तालुक्यातील तालसावाडा गावानजीक हा अपघात झाला आहे. घटनेची माहिती मिळताच तेथे तात्काळ रुग्णवाहिका दाखल झाल्या. जखमींना जिल्हा सामान्य रुग्णाल्यात भरती करण्यात आले आहे. सध्या त्यांच्यावर उपचार सुरू आहेत. अपघाताची माहिती पोलिसांना मिळताच त्यांनीही तात्काळ घटनास्थळी धाव घेतली.

Maratha Reservation : मराठा आंदोलकांनी बीडमध्ये भाजप नेत्याचा कार्यक्रम बंद पाडला, जोरदार घोषणाबाजी

अपघातामुळे रस्त्यावर काहीकाळ वाहतूक कोंडी निर्माण झाली होती. मार्त पोलिसांनी मृतदेह ताब्यात घेत अपघातग्रस्त वाहनांना देखील बाजूल केले आहे, त्यामुळे आता वाहतूक पुन्हा सुरळीत झाली आहे.

राष्ट्रीय महामार्गावर रस्त्याचे सध्या काम सुरु आहे. त्यामुळे काही ठिकाणी एकेरी वाहतूक सुरु आहे. तालसावाडा जवळ सुद्धा एकेरी वाहतूक सुरु आहे. त्यामुळे ही दोन्ही जात असताना समोरासमोर येऊन एकमेकांना धडकली आहेत. या अपघातामुळे मार्गावरील बऱ्याचवेळ वाहतूक खोळंबली होती.

फोंडा घाटात भीषण अपघात

काल फोंडा ते दाजीपूर मार्गावर देखील भीषण अपघात झाला होता. भरधाव वेगात आलेला एक 18 चाकी कंटेनर रस्त्यामध्येच उलटला. या अपघातात कोणतीही जीवितहानी झाली नाही. मात्र या अपघातामुळे फोंडा घाटातील अवजड वाहनांची वाहतूक बंद करण्यात आली आहे.