Amravati Crime News : 'तवा' बाबावर बलात्काराचा गुन्हा, मार्डीच्या आश्रमातील भयंकर प्रताप

Amravati Crime News : अमरावती जिल्ह्यात काही दिवसांपूर्वी तवा बाबा  चांगलाच प्रसिद्ध झाला होता. हा बाबा तापत्या तव्यावर बसला होता, भाविक दर्शन घेत होते, असा हा व्हिडिओ व्हायरल झाला होता. सोशल मीडियावर या व्हिडीओला चांगलीच प्रसिद्धी मिळत होती. हा बाबा अगदी कमी वेळेत लोकप्रिय होत होता. खूप जास्त लोकांपर्यंत पोहोचत होता. याच बाबाचा आता भयंकर प्रताप समोर येत आहे. 

या बाबाचं खरं नाव सुनील कावलकर आहे. पण तो स्वत:ला गुरुदास बाबा म्हणवून घेतोय. अमरावतीच्या तिवसा तालुक्यातील मार्डीच्या आश्रमात या बाबाचं वास्तव्य होतं. या बाबावर एका महिला भाविकाने लैगिंक शोषणाचा  आरोप केलाय. नक्की काय घटना घडली, ती आपण सविस्तर जाणून घेऊ या.

Nitish Kumar : नितीश कुमार यांचा बिहारच्या मुख्यमंत्रिपदाचा राजीनामा

 

महिला भाविकाचे शोषण

गुरुदास बाबा उर्फ सुनील कावलकरवर  बलात्काराचा गुन्हा दाखल करण्यात आला आहे. मध्य प्रदेशातील जबलपूरमधील महिला भाविकाचं शोषण केलं. त्यानंतर तिचा व्हिडिओ बनवला, असा आरोप या महिला भाविकाने केला आहे. याप्रकरणी बाबावर बलात्काराचा गुन्हा देखील दाखल करण्यात आलाय.

मध्य प्रदेशातील जबलपूरमधील एका महिला भाविकाचा पती आजाराने त्रस्त होता. त्याला बरं वाटावं म्हणून उपचार घेण्यासाठी ही महिला आश्रमात आली होती. जर तुझ्या पतीचा आजार बरा करायचा असंल, तर तुला आश्रमात थांबावं लागलं, असं बाबाने तिला सांगितलं होतं. अशी माहिती या पीडित महिलेनं

कुऱ्हा पोलीस स्टेशनमध्ये गुन्हा दाखल

अमरावतीच्या तिवसा तालुक्यातील कुऱ्हा पोलीस स्टेशनमध्ये बलात्काराचा गुन्हा दाखल करण्यात आला आहे. गुन्हा दाखल झाल्यानंतर गुरुदास बाबा फरार झालाय. त्याला शोधण्यासाठी पोलिसांचं पथक रवाना झालंय. पोलीस आरोपीचा कसून शोध घेत आहे.

काही महिन्यापूर्वी याच बाबाचा तपत्या ताव्यावर बसल्याचा व्हिडिओ व्हायरल झाला  होता.