Accident News : लग्न आटोपून घरी परतताना भीषण अपघात; नऊ जण जखमी, जखमीत पोलिसांचाही समावेश

Accident News : शहादा येथे लग्न समारंभासाठी आलेला परिवार लग्न सोहळा आटोपून पार्टीच्या प्रवासाला निघाले होते. मात्र परिवाराचा वाहनाला अपघात झाला. नवापूर तालुक्यातील  खांडबारा- विसरवाडी रस्त्यावर दोन कार आणि मोटरसायकल या तिन वाहनांचा भीषण अपघात झाला. यात ९ जण जखमी झाले आहेत. 

नवापूर तालुक्यातील श्रावणी गावालगत हा विचित्र अपघात झाल्याची घटना घडली आहे. शाहा परिवार शहादा येथील लग्न समारंभमधून घरी वाहनाने सुरतकडे निघाले होते. दरम्यान श्रावणी गावाजवळ मोटरसायकल व  समोरून येणारी अन्य एक कार असा तिहेरी वाहनांच्या भीषण अपघात झाला. या अपघातमध्ये नऊ जण जखमी झाले आहे. सदर अपघातात तिन्ही वाहनांच्या पुढच्या भागाचा चक्काचूर झाला असून मोठे नुकसान झाले आहे. 

Nandurbar News : नंदुरबारमध्ये एक लाखाची दारू जप्त; ‘एलसीबी’ची चौघांवर कारवाई

घटनास्थळी विसरवाडी व खांडबारा पोलिसांनी पोहोचून वाहने रस्त्याचे बाजूला केले. या अपघातात विसरवाडी अंतर्गत दोन पोलीस होमगार्ड यांच्या देखील समावेश आहे. हे दोघे पोलीस होमगार्ड एका ठिकाणाहून बंदोबस्त आपटून खांडबारा आऊट पोस्ट पोलीस स्टेशन येथे येत असताना अपघात झाला. अपघातात जखमी झालेल्यांवर खांडबारा ग्रामीण रुग्णालयात प्राथमिक उपचार करून नंदुरबार जिल्हा रुग्णालयात पुढील उपचारासाठी पाठवण्यात आले आहे.