कोल्हापुर: E20 पेट्रोलविरोधात 'आप'चा अनोखा आंदोलन; दुचाकीची अंत्ययात्रा काढून सरकारचा निषेध

कोल्हापूर: E20 पेट्रोल धोरणाच्या विरोधात आम आदमी पक्षाने (आप) कोल्हापुरात अनोखे आंदोलन करत दुचाकीची अंत्ययात्रा काढली. या आंदोलनातून E20 इंधनामुळे जुन्या वाहनांच्या इंजिनवर होणारे संभाव्य परिणाम, वाहनधारकांवरील आर्थिक भार आणि सरकारच्या धोरणाविरोधात तीव्र नाराजी व्यक्त करण्यात आली.

आंदोलनादरम्यान कार्यकर्त्यांनी सजवलेल्या दुचाकीची प्रतीकात्मक अंत्ययात्रा काढत सरकारविरोधात घोषणाबाजी केली. E20 पेट्रोलमुळे अनेक जुन्या दुचाकी आणि चारचाकी वाहनांच्या इंजिनवर परिणाम होऊ शकतो, तसेच वाहनांच्या देखभाल खर्चात वाढ होण्याची भीती व्यक्त करत या धोरणाचा फेरविचार करण्याची मागणी करण्यात आली.

'आप'च्या पदाधिकाऱ्यांनी केंद्र सरकारने वाहनधारकांच्या हिताचा विचार करून E20 पेट्रोलची अंमलबजावणी टप्प्याटप्प्याने करावी, तसेच जुन्या वाहनांसाठी योग्य पर्याय उपलब्ध करून द्यावेत, अशी मागणी केली. या अनोख्या आंदोलनामुळे कोल्हापुरात नागरिकांचे लक्ष वेधले गेले.