जेलमधून बाहेर येताच राजपाल यादवचा त्या कृतीने जिंकली सर्वांची मनं, व्हिडीओ तुफान व्हायरल, तुम्ही पाहून…

Rajpal Yadav Video : बॉलिवूड अभिनेता राजपाल यादव सध्या 9 कोटी रुपयांच्या चेक बाउन्स प्रकरणामुळे चर्चेत आहे. या प्रकरणात त्याला अटक झाली होती; मात्र आता जामिनावर त्याची तिहार जेलमधून सुटका झाली आहे. सुटका होताच तो थेट आपल्या भाचीच्या लग्नात सहभागी झाला आणि कुटुंबीयांसोबत सर्व जबाबदाऱ्या सांभाळताना दिसला.

सोशल मीडियावर एक व्हिडिओ मोठ्या प्रमाणात व्हायरल होत आहे. या व्हिडिओमध्ये राजपाल यादव धोती-कुर्ता परिधान करून हलवायांसोबत बसून रोटी लाटताना दिसत आहे. साधेपणाने काम करतानाचा त्याचा हा अंदाज पाहून अनेकांनी आश्चर्य व्यक्त केले तर अनेकांनी त्याच्या जमिनीवरच्या स्वभावाचे कौतुक केले.

माहितीनुसार, लग्नसमारंभात उपस्थित असलेल्या हलवायांनी त्याच्यासोबत फोटो काढण्याची विनंती केली. त्यावर राजपाल यादवने केवळ फोटोच नाही तर त्याच्या सोबत कामही करू असे सांगितले. त्यानंतर त्याने प्रत्यक्ष रोटी लाटून सर्वांना सुखद धक्का दिला.

बालपणातील संघर्षांची आठवण

एनडीटीव्हीशी खास संवाद साधताना राजपाल यादवने आपल्या शालेय जीवनाची झलक दाखवली. तो मूळचा शाहजहांपुर येथील असून त्याने संविलियन विद्यालय कुंडरा येथे शिक्षण घेतले. लहानपणी तो पुस्तकांसाठी पैसे मिळवण्यासाठी दूध विकायचा अशी माहिती त्याने दिली. संघर्षातून पुढे आलेल्या या कलाकाराने आजही साधेपणा जपला आहे हे त्याच्या वागण्यातून दिसून येते.

जेलमधून सुटल्यानंतर आयएएनएसशी बोलताना राजपाल यादव म्हणाला की, तो नेहमीच न्यायालयाच्या शरण गेला आहे आणि पुढेही तसेच राहील. उच्च न्यायालय जो निर्णय देईल, त्याचे तो पूर्ण पालन करेल. सोशल मीडियावर आणि इतर माध्यमांतून साथ देणाऱ्या सर्व चाहत्यांचे त्याने मनःपूर्वक आभार मानले. भारतीय सिनेमा ही त्याची कर्मभूमी असल्याचेही त्याने सांगितले.

भतीजी की शादी में रोटी बनाते दिखे राजपाल यादव

राजपाल यादव अपनी भतीजी की शादी में हलवाइयों के साथ मिलकर रोटी बनाते नजर आए#RajpalYadav pic.twitter.com/PmEbCCntq7

— NDTV India (@ndtvindia) February 20, 2026

कर्ज प्रकरणाची पार्श्वभूमी

राजपाल यादवने अता पता लापता या चित्रपटाच्या निर्मितीसाठी सुमारे 9 कोटी रुपयांचे कर्ज घेतल्याचा दावा आहे. मात्र हा चित्रपट बॉक्स ऑफिसवर अपयशी ठरला आणि आर्थिक अडचणी वाढल्या. काही रक्कम परतफेड केली गेली असली तरी उर्वरित रकमेमुळे प्रकरण न्यायालयात गेले.

सध्या तो जामिनावर मुक्त असून पुढील सुनावणीची प्रतीक्षा करत आहे. दरम्यान, भाचीच्या लग्नातील त्याचा साधेपणाचा व्हिडिओ सोशल मीडियावर चर्चेचा विषय ठरला आहे. संकटाच्या काळातही जमिनीशी नाळ जोडून ठेवणारा कलाकार म्हणून त्याच्याकडे पाहिले जात आहे.