सुनेत्रा पवारांनी घेतली पंतप्रधान मोदींची भेट; राजकीय वर्तुळात चर्चांना उधाण

Sunetra Pawar meeting with PM Modi latest news : राष्ट्रवादीच्या विलीनि‍करणाची चर्चा सुरू असतानाच राष्ट्रवादी काँग्रेसच्या (अजित पवार गट) नेत्या, उपमुख्यमंत्री सुनेत्रा पवार यांनी पंतप्रधान नरेंद्र मोदी यांची भेट घेतली. या भेटीदरम्यान सुनेत्रा पवार यांच्यासोबत राष्ट्रवादीचे प्रदेशाध्यक्ष सुनील तटकरे आणि ज्येष्ठ नेते प्रफुल्ल पटेल हेदेखील उपस्थित होते. पंतप्रधान कार्यालयात (PMO) पार पडलेल्या या भेटीमुळे महाराष्ट्रातील राजकीय चर्चांना उधाण आलेय.

उपमुख्यमंत्री पदाचा पदभार घेतल्यानंतर सुनेत्रा पवार यांची ही पंतप्रधानांसोबतची महत्त्वाची भेट मानली जात आहे. या भेटीचे फोटो सोशल मीडियावर व्हायरल झाले. सूत्रांच्या माहितीनुसार, ही केवळ एक सदिच्छा भेट असल्याचे सांगितले जात आहे. पण या भेटीमागे महाराष्ट्रातील राजकीय घडामोडीची चर्चा सुरू आहे.