पुणे: ४८ तासांपासून बेपत्ता असलेल्या मीरा ननावरे यांचा नदीपात्रात आढळला मृतदेह!

पुणे: राजगड तालुक्यातील आंबवणे गावात एका महिलेचा मृतदेह गुंजवणी नदीपात्रात आढळल्याने संपूर्ण वेल्हे परिसरात शोककळा पसरली आहे. मीरा सुनील ननावरे (वय, रा. आंबवणे) असे या मृत महिलेचे नाव आहे.

नेमकी घटना काय? मिळालेल्या माहितीनुसार, ७ जून रोजी मीरा ननावरे या कोणालाही काहीही न सांगता घरातून निघून गेल्या होत्या. त्या रात्री उशिरापर्यंत घरी न परतल्यामुळे कुटुंबीयांनी त्यांचा सर्वत्र शोध घेतला, परंतु त्या सापडल्या नाहीत.
त्यानंतर त्यांचे पती सुनील लक्ष्मण ननावरे यांनी वेल्हे पोलीस ठाण्यात त्या बेपत्ता असल्याची तक्रार दाखल केली होती.

 

४८ तासांनंतर सापडला मृतदेह: दोन दिवस उलटूनही मीरा यांचा थांगपत्ता लागत नव्हता. दरम्यान, मंगळवारी आंबवणे येथील पोलीस पाटलांना नदीपात्रात एका महिलेचा मृतदेह तरंगताना दिसला. त्यांनी तातडीने वेल्हे पोलिसांना माहिती दिली. पोलिसांनी स्थानिक आपत्ती व्यवस्थापन विभागाच्या मदतीने मृतदेह नदीबाहेर काढला.

मृतदेहाची ओळख पटवल्यानंतर तो मीरा ननावरे यांचाच असल्याचे स्पष्ट झाले. आपल्या पत्नीचा मृतदेह पाहून पती सुनील ननावरे यांना मोठा धक्का बसला असून, मीरा यांनी आत्महत्या केली की यामागे अन्य काही कारण आहे, याचा तपास वेल्हे पोलीस करत आहेत.