बारामती तालुक्यात जलक्रांती! सुनेत्रा पवार यांच्या पुढाकाराने खांडज येथील बेंदचारीच्या खोलीकरण व रुंदीकरण कामाला जोरदार प्रारंभ; शेतकऱ्यांमध्ये आनंदाचे वातावरण!

माळेगाव/बारामती (सकाळ वृत्तसेवा): बारामती तालुक्यातील खांडज येथे जलसंधारण आणि शेती सिंचन व्यवस्थेला बळकटी देणारा एक अत्यंत महत्त्वाचा उपक्रम हाती घेण्यात आला आहे. राज्याच्या उपमुख्यमंत्री सौ. सुनेत्रा अजितदादा पवार यांच्या विशेष मार्गदर्शनाखाली आणि 'एन्व्हायरमेंटल फोरम ऑफ इंडिया, बारामती' यांच्या वतीने खांडज (ता. बारामती) येथील बेंदचारीच्या खोलीकरण आणि रुंदीकरण कामाचा भव्य शुभारंभ बुधवार, १० जून २०२६ रोजी करण्यात आला.

खांडज परिसरातील शेतीचा निचरा सुरळीत होण्यासाठी आणि पावसाळ्याच्या पार्श्वभूमीवर पाण्याचा साठा वाढवण्यासाठी ही बेंदचारी अत्यंत महत्त्वाची मानली जाते. अनेक दिवसांपासून या चारीच्या खोलीकरणाची गरज निर्माण झाली होती. शेतकऱ्यांची ही अडचण ओळखून सौ. सुनेत्रा पवार आणि खासदार पार्थ पवार यांनी या महत्त्वपूर्ण कामासाठी लागणारी पोकलेन मशीन पूर्णपणे मोफत उपलब्ध करून दिली आहे.

या लोकोपयोगी उपक्रमामुळे चारीची पाणी साठवण क्षमता तर वाढणारच आहे, सोबतच परिसरातील शेतीला सिंचनाचा मोठा लाभ होणार आहे. सुनेत्रा पवार आणि पार्थ पवार यांच्या या विशेष पुढाकारामुळे आणि मोफत मशीन उपलब्ध करून दिल्याबद्दल खांडज परिसरातील शेतकऱ्यांनी मोठे समाधान व्यक्त केले असून त्यांचे आभार मानले आहेत.