Rohit Pawar on Ajit Pawar Plane Crash | अजितदादांचा मृतदेह…रोहित पवारांचा खळबळजनक दावा, राजधानी दिल्लीत मोठं विधान!

अजित पवारांच्या विमान अपघाताला आज १३ दिवस पूर्ण झाले असून या प्रकरणाने राज्यातील राजकारणात नवीन वाद निर्माण केला आहे. राष्ट्रवादी काँग्रेसचे आमदार रोहित पवार यांनी मुंबईत पत्रकार परिषद घेत जवळपास दीड तासांचे सविस्तर सादरीकरण केले. या परिषदेत त्यांनी अपघातामागे 100 टक्के घातपात होण्याची शक्यता असल्याचा संशय व्यक्त केला आणि तीन ते चार महत्त्वाचे मुद्दे मांडले.

मुंबईतील पत्रकार परिषदेनंतर रोहित पवार आज दिल्लीतही पत्रकार परिषद घेऊन याच प्रकरणावर प्रकाश टाकत आहेत. दिल्लीतील सादरीकरण हिंदी भाषेत होत आहे. रोहित पवार यांनी स्पष्ट केले की, अजित पवारांचा अपघात नसेल तर ते 100 टक्के घात आहे. रोहित पवार यांनी या प्रकरणाची सखोल आणि स्वतंत्र चौकशी होण्याची मागणी केली आहे. त्यांनी पत्रकार परिषदेत काही छायाचित्रे सादर केली आणि अपघाताशी संबंधित तांत्रिक बाबींवरही प्रकाश टाकला. राज्य राजकारणात या आरोपांमुळे नवीन चर्चा सुरू झाली आहे.