BMC Mayor: मुंबईचा कारभारी ठरला! लाडकी बहीण झाली BMC ची महापौर, मराठमोळ्या रितू तावडेंकडे भाजपनं दिली जबाबदारी

मुंबई महानगर पालिकेला अखेर महापौर मिळाला. मुंबई महानगर पालिकेच्या महापौरपदी भाजपच्या रितू तावडे आणि उपमहापौरपदी शिवसेना शिंदे गटाचे संजय घाडी यांची बिनविरोध निवड करण्यात आली. रितू तावडे यांनी महापौरपदाची सूत्रे हाती घेतली. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या उपस्थितीमध्ये मुंबई महानगर पालिकेच्या महापौरपदी रितू तावडे आणि उपमहापौरपदी संजय घाडी विराजमान झाले. मुंबई महापालिकेच्या इतिहासात पहिल्यांदाच भाजपच्या महापौराची निवड झाली आहे. आतापर्यत मुंबई महानगर पालिकेवर शिवसेनेची सत्ता होती. पहिल्यांदाच मुंबई महानगर पालिकेवर भाजपचा झेंडा फडकला. रितू तावडे यांनी महापौरपदाची सुत्रे हाती घेतल्यानंतर भाजपच्या नगरसेवकांनी एकच जल्लोष केला यावेळी 'जय श्रीराम' आणि 'मोदी मोदी'च्या घोषणा देण्यात आल्या.