Oppo चा ‘हा’ नवीन फोन या आठवड्यात 6500mAh बॅटरीसह होणार लाँच, फ्लिपकार्टवर लवकरच उपलब्ध होईल मोफत रिप्लेसमेंट

तुम्ही जर तुमच्या जुन्या फोनवरून नवीन फोनवर अपग्रेड करण्याचा विचार करत असाल, तर थोडी वाट पाहणे चांगले, कारण Oppo K14x 5G स्मार्टफोन या आठवड्यात भारतीय बाजारात पदार्पण करणार आहे. हा फोन 30 दिवसांच्या मोफत रिप्लेसमेंटसह येतो, परंतु फोनमध्ये उत्पादन किंवा गुणवत्तेची कोणतीही समस्या असल्यासच तुम्हाला याचा फायदा होईल. याव्यतिरिक्त या Oppo फोनमध्ये मोठी 6500 mAh बॅटरी आहे, जी दीर्घकाळ टिकणारी बॅटरी लाइफ देईल. शिवाय ते रिव्हर्स चार्जिंगला देखील सपोर्ट करते.

हा फोन प्रिझम व्हायलेट आणि आइस ब्लू या दोन रंगांच्या पर्यायांमध्ये लाँच केला जाईल. शिवाय हा फोन एआय फीचर्सना देखील सपोर्ट करतो. या फोनमध्ये इतर कोणते फीचर्स दिले जातील आणि तो कधी लाँच केला जाईल याबद्दल जाणून घेऊयात.

Oppo K14x 5G भारतात लाँच होण्याची तारीख

ओप्पो ब्रँडचा हा आगामी 5 जी फोन उद्या, 10 फेब्रुवारी 2026 रोजी दुपारी 12 वाजता ग्राहकांसाठी लाँच केला जाईल. लाँच झाल्यानंतर, हा फोन कंपनीच्या वेबसाइट तसेच ई-कॉमर्स प्लॅटफॉर्म फ्लिपकार्टवरून खरेदीसाठी उपलब्ध असेल.

Oppo k14x 5g ची वैशिष्ट्ये

डिस्प्ले: या फोनचा डिस्प्ले 120 हर्ट्झ रिफ्रेश रेटसह 1125 निट्सच्या पीक ब्राइटनेसला सपोर्ट करेल.

कॅमेरा सेटअप: फोनच्या मागील बाजूस 50-मेगापिक्सेल एआय प्रायमरी कॅमेरा सेन्सर देखील असणार आहे.

बॅटरी क्षमता: फोनला पॉवर देण्यासाठी 45 वॅट फास्ट चार्जिंग सपोर्टसह 6500 एमएएचची पॉवरफूल बॅटरी उपलब्ध असेल.

Oppo K14x 5G ची भारतात अपेक्षित किंमत

या ओप्पो स्मार्टफोनची किंमत सुमारे 15 हजार रूपयांच्या आसपास असण्याची अपेक्षा आहे, परंतु कंपनीने अद्याप कोणतीही विशिष्ट किंमत जाहीर केलेली नाहीये. लाँचिंगच्या वेळी नेमकी किंमत जाहीर केली जाईल. Oppo K13x 5G ची 4 जीबी/128 जीबी व्हेरिएंटची किंमत 15 हजार 999 रूपये आहे. तर 6 जीबी/128 जीबी व्हेरिएंटची किंमत 16 हजार 999 रूपये आणि 8 जीबी/128 जीबी व्हेरिएंटची किंमत 18 हजार 999 रूपये आहे. फ्लिपकार्टवर या किमतींमध्ये हा फोन उपलब्ध आहे.