नीट पेपरफुटीतील आरोपी प्रा. शिवराज मोटेगावकरचा क्लासमधील अजब शिकवणीचा जुना आक्षेपार्ह VIDEO सोशल मीडियावर व्हायरल!

 

नीट' पेपरफुटी प्रकरणात प्रा. शिवराज मोटेगावकर अटकेत; विशेष सीबीआय  न्यायालयाकडून ९ दिवस कोठडी - dainikmahabhoomi.comलातूर: वैद्यकीय प्रवेश परीक्षा 'NEET-UG' पेपरफुटी प्रकरणाचा तपास केंद्रीय अन्वेषण विभागाकडून (CBI) अत्यंत वेगाने सुरू आहे. या हाय-प्रोफाईल गैरव्यवहारात लातूरमधील प्रसिद्ध 'आरसीसी' (RCC) कोचिंग क्लासेसचे संचालक प्रा. शिवराज मोटेगावकर यांना सीबीआयने अटक केली असून त्यांच्या चौकशीतून दररोज नवनवीन आणि धक्कादायक खुलासे समोर येत आहेत. या सगळ्या घडामोडींदरम्यान, आता सोशल मीडियावर शिवराज मोटेगावकर यांचा एक जुना आक्षेपार्ह व्हिडिओ प्रचंड व्हायरल झाला आहे, ज्यावरून नवीन वादाला तोंड फुटले आहे.

व्हायरल झालेल्या या जुन्या व्हिडिओमध्ये मोटेगावकर वर्गात विद्यार्थ्यांना शिकवत असताना अत्यंत आक्षेपार्ह भाषेचा वापर करताना दिसून येत आहेत. विज्ञान आणि केमिस्ट्री (रसायनशास्त्र) विषयात अतिशय महत्त्वाचा मानला जाणारा 'पेरिओडीक टेबल' (Periodic Table) आणि त्यातील मूलद्रव्यांचा क्रम लक्षात ठेवण्यासाठी त्यांनी तयार केलेली एक अजब वाक्यरचना या व्हिडिओमध्ये ऐकायला मिळत आहे.

केमिस्ट्री सोपी वाटावी म्हणून अनेक महाविद्यालये किंवा क्लासेसमध्ये मजेदार ट्रिक्स किंवा शॉर्टकट वापरले जातात; मात्र मोटेगावकर यांनी थेट राजकीय आणि आक्षेपार्ह शब्दांचा वापर करून विद्यार्थ्यांना शिकवल्याचे समोर आले आहे. व्हिडिओमध्ये ते विद्यार्थ्यांसमोर "ओ सानिया सेक्सी तेरी पोझ", "हाल नका रे करू फिमेलचे", "बेगम मुघलांच्या काळात सारसबागेत रमायची" आणि "सोनियाचा दारू पिऊन पिऊन लिव्हर खराब झाला" अशा प्रकारची आक्षेपार्ह वाक्ये बोलताना आणि विद्यार्थ्यांना ती लिहून देताना दिसत आहेत.

नीट परीक्षा घोळ आणि पेपरफुटीच्या आरोपांमुळे आधीच सीबीआयच्या कोठडीत असलेल्या मोटेगावकर यांच्या या जुन्या व्हिडिओमुळे आता त्यांच्या अध्यापन पद्धतीवर आणि मानसिकतेवर तीव्र शब्दांत टीका होत आहे. कोट्यवधी रुपयांची संपत्ती आणि विद्यार्थ्यांची लूट केल्याच्या संशयासोबतच पालकांमधूनही या प्रकाराबाबत तीव्र संताप व्यक्त केला जात आहे.

 



शहर

महाराष्ट्र

गुन्हा

राजकीय

इतर

मनोरंजन

विडियो गॅलेरी

देश विदेश

Leave a Reply

Your email address will not be published. Required fields are marked *