Pune : कात्रज–कोंढवा रस्ता प्रकल्प अंतिम टप्प्यात; १५ दिवसांत भूसंपादन पूर्ण होणार, ७१० कोटींचा मार्ग कसा असेल?

Pune : कात्रज-कोंढवा ५० मीटर रुंदीच्या रस्त्याचे भूसंपादन येत्या १५ दिवसांत पूर्ण होणार आहे. त्यानंतर १५ मार्चपासून प्रत्यक्ष कामाला सुरुवात होईल, अशी माहिती महापालिका आयुक्त नवलकिशोर राम आणि जिल्हाधिकारी जितेंद्र डुडी यांनी दिली. शहर परिवर्तन कक्षाच्या बैठकीनंतर त्यांनी हे सांगितले. या रस्त्यासाठी ७१० कोटी रुपये लागणार आहेत. आधी हा रस्ता ८४ मीटर रुंद होणार होता, पण भूसंपादन रखडल्याने रुंदी ५० मीटर करण्याचा निर्णय घेण्यात आला.

कात्रज येथील राजस सोसायटी ते कोंढवा येथील खडी मशिन चौक या रस्त्याचे रुंदीकरण करण्यात येणार आहे. या कामाला ऑक्टोबर २०१८ मध्ये मान्यता मिळाली होती, पण भूसंपादन न झाल्याने ते रखडले होते. आता भूसंपादन अंतिम टप्प्यात आल्याने कामाला गती मिळणार आहे. शहरातील ३० 'मिसिंग लिंक' रस्त्यांपैकी १२ रस्ते या वर्षभरात पूर्ण केले जातील. नवीन रस्ते बांधण्यासाठी भूसंपादन आवश्यक असून, जिल्हाधिकाऱ्यांच्या मदतीने ही कामे वेगाने केली जातील.

Ravi Landge : पिंपरी-चिंचवडमध्ये इतिहास घडला! दोनवेळा बिनविरोध नगरसेवकानंतर आता बिनविरोध महापौर; रवी लांडगेंची दमदार कामगिरी

याशिवाय, शहरात इंटरनेट, केबल आणि डीटीएच कंपन्यांकडून बेकायदेशीरपणे टाकलेल्या ओव्हरहेड केबल्समुळे पादचारी आणि वाहनचालकांना धोका निर्माण झाला आहे. तसेच शहराचे सौंदर्यही बिघडले आहे. यावर उपाय म्हणून, केबलचे सर्वेक्षण करून पुढील महिन्यात 'ओव्हरहेड केबल' धोरण निश्चित केले जाईल, असे आयुक्त नवलकिशोर राम यांनी सांगितले. या धोरणामुळे शहरात सुसूत्रता येईल आणि नागरिकांची सुरक्षितता वाढेल.
‘शिरूर-चाकण-कर्जत’ कागदावरच

पुणे–मुंबई द्रुतगती महामार्गावर सलग दोन दिवस झालेल्या तीव्र वाहतूक कोंडीने प्रवाशांचे प्रचंड हाल झाले. एक्स्प्रेस वे आणि जुना मुंबई–पुणे महामार्ग या दोन्ही मार्गांवर एकाच वेळी अडथळे निर्माण झाल्याने पर्यायी रस्त्यांचा अभाव पुन्हा एकदा ठळकपणे समोर आला आहे. या पार्श्वभूमीवर शिरूर–चाकण– तळेगाव–कर्जत–उरण (जेएनपीटी) ‘मल्टिनोडल कॉरिडॉर’ हा पूर्वी सुचवलेला पर्यायी मार्ग अद्याप प्रत्यक्षात का आला नाही, असा सवाल उपस्थित होत आहे.

‘शिरूर-चाकण-कर्जत’ कागदावरच
पुणे–मुंबई द्रुतगती महामार्गावर सलग दोन दिवस झालेल्या तीव्र वाहतूक कोंडीने प्रवाशांचे प्रचंड हाल झाले. एक्स्प्रेस वे आणि जुना मुंबई–पुणे महामार्ग या दोन्ही मार्गांवर एकाच वेळी अडथळे निर्माण झाल्याने पर्यायी रस्त्यांचा अभाव पुन्हा एकदा ठळकपणे समोर आला आहे. या पार्श्वभूमीवर शिरूर–चाकण– तळेगाव–कर्जत–उरण (जेएनपीटी) ‘मल्टिनोडल कॉरिडॉर’ हा पूर्वी सुचवलेला पर्यायी मार्ग अद्याप प्रत्यक्षात का आला नाही, असा सवाल उपस्थित होत आहे.

पुणे–मुंबईदरम्यान एक्स्प्रेस वे आणि जुन्या महामार्गाला पर्याय म्हणून हा मार्ग प्रस्तावित करण्यात आला होता. ऑक्टोबर २०२५ मध्ये झालेल्या बैठकीत तत्कालीन उपमुख्यमंत्री अजित पवार यांनी हा प्रस्ताव मंत्रिमंडळासमोर मांडण्याच्या स्पष्ट सूचना दिल्या होत्या. मात्र, त्या सूचनांनंतरही हा प्रकल्प अद्याप निर्णयाच्या पुढील टप्प्यावर गेलेला नाही. परिणामी, कागदावर मंजुरीच्या प्रतीक्षेत असलेला हा मार्ग प्रत्यक्षात येण्याची ठोस चिन्हे दिसत नाहीत.