Pune : वाहतूक कोंडीला बायपास! थेट हिंजवडी–मुंबई बससेवा; प्रवासातील दीड तास वाचणार, एसटी विभाग हालचालीत

Pune : मेट्रो लाइन तीन असलेली हिंजवडी ते शिवाजीनगर मार्गिका येत्या मार्च अखेरपर्यंत सुरू केली जाणार असल्याचे सांगितले जात आहे. ही मार्गिका थेट जिल्हा न्यायालय येथील मेट्रो स्थानकासोबत जोडली जाणार आहे. त्यामुळे पिंपरी-चिंचवड, रामवाडी, स्वारगेट असा सर्व भाग मेट्रोसोबत जोडला जाणार आहे. हिंजवडी येथेच एसटी स्थानक सुरू केल्यास प्रवासी मेट्रोने हिंजवडी एसटी स्थानकावर येऊन पुढे मुंबईला प्रवास करतील; तसेच हिंजवडी येथे उतरून कमी वेळेत इच्छित ठिकाणी जातील.

एसटी महामंडळाचा प्रस्ताव
पुणे-मुंबई-पुणे दरम्यान राज्य परिवहन महामंडळाच्या (एसटी) बसमधून प्रवास करणाऱ्यांची संख्या मोठी आहे. मात्र, पुण्यात प्रवेश केल्यापासून स्वारगेटपर्यंत पोहचण्यासाठी दीड तासापेक्षा जास्त वेळ जातो. त्यामुळे थेट हिंजवडी येथूनच मुंबईसाठी एसटी सेवा सुरू करण्याची मागणी प्रवाशांकडून केली जात आहे. एसटी महामंडळानेही त्याबाबतचा प्रस्ताव पाठवला आहे.

Pimpri-Chinchwad : लॉज-स्पामध्ये अनैतिक धंदे; पोलिसांची धडक कारवाई, रॅकेटचा पर्दाफाश, अनेक महिलांची सुटका

वाहतूक कोंडीचा त्रास
पुण्यातून दादर, बोरवली, ठाण्यासाठी ई-शिवनेरी, ई-शिवाई बस सोडल्या जातात. पुणे विभागातील ई-बसच्या स्वारगेट आणि पुणे स्टेशन येथून दिवसाला १२४ फेऱ्या होतात. एक्स्प्रेस-वे आणि शहरातील वाहतूक कोंडीचा फटका या ई-बसना बसतो. बऱ्याच वेळा एक्स्प्रेस-वेवर कोंडी नसली, तरी वाकड चौकापासूनच एसटीला वाहतूक कोंडीचा त्रास सुरू होते. त्या ठिकाणाहून स्वारगेट व पुणे स्टेशन येथे पोहोचण्यासाठी प्रवाशांना दीड ते दोन तास लागतात. त्यामुळे प्रवासी संघटनांनी हिंजवडी येथूनच एसटीच्या काही फेऱ्या सुरू करण्याची मागणी केली होती. त्यानुसार एसटी प्रशासनाने हिंजवडी परिसरातून मुंबईसाठी थेट एसटी सेवा सुरू करण्याचा प्रस्ताव पाठवला आहे. हिंजवडी येथून एसटीची सेवा सुरू झाल्यास किमान एक तास प्रवासाचा वेळ वाचणार आहे.

मेट्रोने हिंजवडीपर्यंत, पुढे एसटीने प्रवास
मेट्रो लाइन तीन असलेली हिंजवडी ते शिवाजीनगर मार्गिका येत्या मार्च अखेरपर्यंत सुरू केली जाणार असल्याचे सांगितले जात आहे. ही मार्गिका थेट जिल्हा न्यायालय येथील मेट्रो स्थानकासोबत जोडली जाणार आहे. त्यामुळे पिंपरी-चिंचवड, रामवाडी, स्वारगेट असा सर्व भाग मेट्रोसोबत जोडला जाणार आहे. हिंजवडी येथेच एसटी स्थानक सुरू केल्यास प्रवासी मेट्रोने हिंजवडी एसटी स्थानकावर येऊन पुढे मुंबईला प्रवास करतील; तसेच हिंजवडी येथे उतरून कमी वेळेत इच्छित ठिकाणी जातील.

पुणे एसटी विभागाकडून हिंजवडी येथून मुंबईसाठी एसटी बस सेवा सुरू करण्याचा विचार सुरू आहे. त्यासाठीचा प्रस्ताव तयार करून पाठविण्यात आला आहे. हिंजवडी येथे स्थानक सुरू झाल्यास शहरात वाहतूक कोंडीत बसचा जाणारा वेळ वाचणार आहे.
-अरुण सिया, नियंत्रक, पुणे एसटी विभाग