Pune : पुणेकरांसाठी मोठा बदल! 60 नवीन रेल्वे, नवे प्लॅटफॉर्म आणि टर्मिनलसह प्रवास होणार अधिक सुखकर – जाणून घ्या कुठे काय बदल होणार

Pune :  पुणेकरांसाठी आनंदाची बातमी आहे. पुणे रेल्वे स्थानकात पुढील पाच वर्षांत मोठ्या प्रमाणावर बदल करण्यात येणार असून, या बदलांमुळे प्रवाशांचा प्रवास अधिक सुखकर होणार आहे. पुणे रेल्वे स्थानकाची प्रवासी हाताळण्याची क्षमता लक्षणीय वाढणार आहे.

नवीन योजनेअंतर्गत पुणे रेल्वे स्थानकाचा कायापालट करण्यात येणार आहे. यामध्ये नवीन फलाटांची उभारणी, तसेच सध्याच्या फलाटांची लांबी वाढवण्याचा समावेश आहे. सध्या पुणे रेल्वे स्थानकावरून सुमारे 50 रेल्वे गाड्या सुरू होतात. मात्र, पुढील पाच वर्षांत तब्बल 60 नवीन रेल्वे गाड्या सुरू करण्याचा निर्णय रेल्वे प्रशासनाने घेतला असून, एकूण गाड्यांची संख्या 110 वर पोहोचणार आहे. यामुळे पुणे स्थानकाची प्रवासी हाताळण्याची क्षमता दुप्पट होणार आहे.

​Pune : पुण्यातून मोठी बातमी: लेक्चर अटेंड करत असतानाच मिळालं आमदारकीचं तिकीट! २२ वर्षीय सई पवार राज्याच्या राजकारणात सर्वात तरुण चेहरा

पुण्याबरोबरच इतर प्रमुख स्थानकांवरही मोठे बदल करण्यात येणार आहेत. रेल्वे मंत्री अश्विनी वैष्णव यांनी देशातील 48 प्रमुख रेल्वे स्थानकांची क्षमता वाढवण्याची माहिती दिली आहे. यामध्ये महाराष्ट्रातील मुंबई, पुणे आणि नागपूर रेल्वे स्थानकांचा समावेश आहे. पुणे रेल्वे स्थानकावर जागेची मर्यादा लक्षात घेता, दोन नवीन सॅटेलाईट रेल्वे स्थानक उभारण्यात येणार आहेत. त्यामुळे प्रवाशांना प्रवासासाठी अधिक पर्याय उपलब्ध होणार आहेत. याशिवाय पुण्यासह आळंदी, उरुळी आणि फुरसुंगी रेल्वे स्थानकांवर टर्मिनल उभारले जाणार आहेत. त्यामुळे पुणे स्थानकावर रेल्वे गाड्यांची संख्या वाढली तरी प्रवाशांना गर्दीचा त्रास सहन करावा लागणार नाही.

या वाढीव सेवांसाठी पुणे रेल्वे स्थानकावर 6 अतिरिक्त फलाट बांधण्यात येणार आहेत. तसेच 75 रेल्वे गाड्यांना एकूण 198 अतिरिक्त डबे जोडले जाणार आहेत. या नव्या गाड्या आणि डब्यांमुळे दररोज सुमारे 15 हजार अतिरिक्त प्रवासी पुणे रेल्वे स्थानकावरून प्रवास करू शकणार आहेत.